HH ğasırdıñ Gomeri wlı Jambıldıñ 170 jıldığı
kerey.kz
Jambıl älemi
Bar älemde, jer-kökte Jambıl jırı,
Qwlaqtardıñ qwrışın qandırdı üni.
Ğasırlardıñ köşinde tozañ baspas,
Jauhar jırdıñ jasampaz, dañğıldığı.
Jambıl jırı — zañğarlar, qırattarda,
Mwhittarda, özen-köl, bwlaqtarda.
Örenderim, ör bol dep sınaqtarda,
Jeteleydi mäñgilik mwrattarğa.
Tört qwbılam tögedi Jambıl änin,
Şamırqandım, şattandım, balbıradım.
İlessem dep köşine söz qwradım,
Abay, Jambıl — işegi dombıranıñ.
Alpıs eki tamırda, jürekte jır,
Jan sarayıñ aşılar tünekte kil.
Abay bolıp dünie sır aytadı,
Jambıl — älem, jañarıp dür etti öñir.
Jambıl jırı — batar kün, tañ nwrında,
Aqşa qarda, nöserli jañbırında.
Şöl basasıñ ğajayıp möldirinen,
Oysızdıqtan oyatar, qalğıdıñ ba?!
Jambıl — dastan, Jambıl — saz, Jambıl — öleñ,
Abızımız mäñgilik aldı kenen.
Ruhımen qoldaydı, kiesimen,
Jwbatadı, köñiliñ qaldı neden?
Asıp-tasqan pende me eñ, jel-kökirek,
Baylığıñmen bolmassıñ elge tirek.
Töremisiñ, Jambıl jır tezge salar,
Täubaña tüs, tağzım et, kel de tilep.
Qwlaq qoyğın jasınday jırına bwl,
Twmasına qanıqqın, sırına bir.
Tua sala qağınan bezingen köp,
Jetpeytindey sıbaytın tiri Jambıl.
Jambıl jırı — jauharıñ altınıñday,
Jer-älemdi terbetip şarq wruda.
Ğasırlardıñ törinen til qatadı,
Aqsaqalı jelbirep Ar tuınday.
Jambıl baba kesenesiniÑ
aldındaĞı oy
Armısıñ baba, aldıñda twrmın iilip,
Asau jüregim tolqınday tasıp, jii wrıp.
Tağzım ettim de, sırlassam deymin Öziñmen,
Allağa, öşpes ör Ruhıña siınıp.
Maqtanış sezim keudemdi kernep twr bügin,
Arqalap jettim amanat etken jır jügin.
Täuelsiz eldiñ aqını deydi ardaqtap,
Özgeden biik köriner közge Tüñligim.
Alatau sındı asqaqpın, örmin, erkinmin,
Ğalamda mınau keledi jır bop şertilgim.
Aq paraq — älem, qauırsın — qalam qolğa alsam,
Alladan keyin wlı Abay, wlı Sen twrdıñ.
Qoldadıñ pirim, köñilge körkem gül ösip,
Ayqara aştı qaqpasın jwmbaq jır — esik.
Özimmen özim kelemin sodan küresip,
Özderiñ salğan wlı bir köşke ilesip.
Danışpan Mwqañ iipti basın “Jäke — dep“
Äbdildä, Ğali, Qalmaqan, Säbit “Täte — lep“
Aq saqalıñnan aynalğan Äbu balañız,
Wlım dep meni bäygege qosqan jetelep.
Aldı-artım dübir, jüyrikter şapqan alaman,
Keştetip kelip, jır — twlparımdı tarağam.
Sürinbey ötsem batıraştıq pen jaladan,
Köziñe seniñ şalınarmın-au sonadan.
Qolday kör babam, iıq tiresken jüzbenen,
Ör wlanıñmın Öleñnen özin izdegen.
Kieli ordadan at basın bwrdım, täu etip,
Arıstar salğan, alıptar jürgen izbenen.
Serikjan Qaji
Pikir qaldıru