«Russkaya planeta» saytında reseylik jazuşı, «Basqa Resey» (Drugaya Rossiya) partiyasınıñ jetekşisi Eduard Limonovtıñ «Ideyal'naya Rossiya» attı maqalası jariyalandı, – dep jazadı Qamshy.kz basılımı.

Bwl maqalada E.Limonov Reseydiñ bolaşağın boljap bwrınğı KSRO qwramında bolğan elder men olardıñ jerin Reseyge qosu kerektigin aşıq aytqan.

Ol: «Ukrainanı Pol'şa, Vengriya, Rumıniya, Slovakiyanıñ kömegimen kül-talqan etu kerek. YAğni, KSRO 1939-1946 jıldarı alıp bergen aumaqtı qaytadan tartıp alu qajet. Ukrainağa Kievtiñ aynalasındağı 9 oblıs jetedi» dey kele bwl elderge aumaqtıq talap qoyudıñ oñay emestigin, alayda «mümkin emes» deuge müldem bolmaytının aytadı.

Limonovtıñ pikirinşe, Vengriya men Slovakiya, Rumıniyağa da «tüsindiru» jwmıstarın jürgizu kerek eken.  Limonov Ukrainanıñ orıstar tığız qonıstanğan Har'kov, Odessa, Zaporoj'e, Herson, Nikolaev oblıstarınan basqa aumağın atalğan elderge bölip beru arqılı olardı Reseyge qaratıp aluğa boladı dep sanaydı.

Osılay dey kele ol «AQŞ pen NATO qoltığına tığılğan Baltıq jağalauı elderiniñ Reseyge müldem kerek emes» ekenin aytadı.

Baltıqqa qızıqpasa da Resey köz alartatın basqa aumaq bar. Ol – Qazaqstan. Qazaqstannıñ soltüstigi, batısı men şığısındağı qalalar!

«Al, şekaradan tıs, Qazaqstanda qalıp qoyğan orıs qalaları bizdi qızıqtıradı. Oraldan bastap Öskemenge deyingi orıs qalaları tügel Resey qwramına ötui kerek», – deydi E. Limonov.

Ol maqsatqa jetu üşin, Limonov Qazaqstanda twratın orıs diasporasın paydalanudı wsınadı.

«Qazaqstanda qazir 4 millionnan astam orıs twradı. Bwl – qazaq biliginiñ qasaqana kemitip körsetken sandarı. Qazaq halqınıñ äkesi, biz üşin asa qwrmetti, Nwrswltan Nazarbaev dünieden ötken soñ, Qazaqstanda elita bir-birimen soğısadı. Sol kezde orıs qalalarında jergilikti referandumdar ötkizetin, olardı Reseyge qosatın tamaşa mümkindik tuadı», – dep otır «Basqa Resey» basşısı.

E. Limonov  alda boluı ıqtimal referendumdardıñ nätijelerin de jayıp salğan.

«Oğan qazaqtar kelise me, kelispey me, ol – özderiniñ şaruası. Biraq, olarda basqa baratın jer, basatın tau joq: mwnay men gazğa, sirek metalğa bay Qazaqstanğa köz tigip Qıtay twr. 17 million ğana halıq, onıñ jartısı qazaqtar emes (onda äli milliondağan nemister bar), alıp elge ie bola almaydı. Olarğa kömekteseyik. Artıq jerin alayıq», – degen sözder reseylikterdiñ bizdiñ eldegi işki sayasi ahualdı mwqiyat qadağalap otırğandığınıñ, qajetti joba-josparlardı qwrıp qoyğandığınıñ däleli emes pe?!

Siz ne deysiz?

Abai.kz