Germaniyada nauqastar men mügedekterge kütim jasap, ambulatoriyalıq qızmet körsetu salasında saqtandıru jäne äleumettik tölemder esebinen 1 milliard eurodan astam qarjı zañsız jolmen alınğanı äşkere bolğan. Bwl turalı qılmıstıq ister jönindegi federaldıq mekeme (BKA) jürgizgen tekseru qorıtındısı jaylı qwjattardı qolğa tüsirgen Die Welt basılımı men Bayerische Rundfunk qoğamdıq-qwqıqtıq mediakompaniyası habarladı. Aqparatqa säykes, bwl qılmısqa Germaniyağa postsovettik elderden qonıs audarğan azamattar küdikti sanalıp otır.

Basılımdardıñ jazuınşa, Germaniyada nauqastarğa kütim jasap, qızmet körsetetin salanı «orıs mafiyası» dep atalatın qılmıstıq top baqılauına alğan. «Orıs-euraziyalıq» wyımdasqan qılmıstıq toptar saqtandıru qarjısın jımqırudıñ köptegen ädis-aylasın meñgergen. Olardıñ arasında jii qoldanılatını – qızmet körsetilgeni turalı jalğan esep qwjattarın toltıru jäne bwl iske ötirik auırğan sıñay tanıtqan pacientterdi de tartu qılmısı. Twraqtı kütimdi qajet etetin nauqastarğa qatıstı isterde qılmıstıq top körsetilmegen qızmet türleri üşin är pacientke ayına 15 mıñ euroğa deyin zañsız tabıs alıp kelgeni anıqtalğan.

Atalğan qılmıstar boyınşa 2015 jılı jartı jıl boyı tergeu jürgizgen BKA ökilderiniñ mälimdeuinşe, mwnday qılmıstar bükil Germaniya köleminde jasalğan, äytkenmen basqa aymaqtarmen salıstırğanda Berlin, Soltüstik Reyn – Vestfaliya jäne tömengi Saksoniyada köp tarağan.

Germaniya saqtandıru kompaniyaları kütimdi qajet etetin nauqastarğa tölep kelgen ärbir besinşi euronı «orıstildi» qılmıstıq toptar zañsız ielenip alğan boluı mümkin dep jazadı nemis basılımdarı.

Azattıq radiosı