Memleket basşısı Otan qorğauşı künimen qwttıqtadı.
kerey.kz
Elbası joğarı äskeri jäne arnaulı ataqtar, sınıptıq şender tapsıru räsimine qatıstı-dep habarlaydı Aqorda baspa söz qızmeti.
Memleket basşısı öz sözinde jinalğandardı aldağı Otan qorğauşı künimen jäne Wlı Otan soğısındağı Jeñistiñ 71 jıldığımen qwttıqtadı. – Mereke qarsañında biz dästür boyınşa öz ömirin äskeri qızmetke arnağan eñ üzdikterge joğarı ataqtar tapsıramız. Sizder kün-tün demey, täulik boyı qızmet etetin erekşe mamandıqtı tañdadıñızdar. Sizder Otanımızdıñ qauipsizdigin nığaytuğa zor üles qosıp kelesizder, – dedi Qazaqstan Prezidenti. Nwrswltan Nazarbaev büginde respublikamızda tiimdi armiya qalıptasqanına, qaru-jaraqpen jabdıqtau bağdarlaması tabıstı jüzege asırılıp, äskeri qızmetşilerdiñ äleumettik jağdayına qamqorlıq körsetilip jatqanına nazar audardı. – Eldiñ qauipsizdigi men qorğanıs qabiletine jauaptı barlıq qwrılımnıñ käsibi deñgeyi künnen künge ösip keledi. Bwl rette generaldar men oficerlerge ayrıqşa mañız beriledi. Jauıngerlik maşıq pen şeberlikti arttıru, äskerlerdiñ ömiri men qwqıq qorğau organdarınıñ jwmısında sapalı özgeris jasau sizderdiñ köşbasşılıqtarıñızğa baylanıstı. Sizder bükil jeke qwramğa jäne jas äskeri qızmetşilerge ülgi bola otırıp, jauıngerlik abıroy men batıldıq dästüriniñ saqtauşısı boluğa tiissizder. Halıq sizderdiñ qızmetteriñiz ben is-äreketteriñizge qarap bükil Qarulı Küşterge bağa beredi. Sizderge eñ qımbat närse – azamattardıñ beybit ömirin saqtau jäne Täuelsizdik tabıstarın qorğau senip tapsırılğan, – dedi Memleket basşısı. Qazaqstan Prezidenti eldiñ qauipsiz äri beybit damuı ğana onıñ äri qaray örkendeuiniñ kepili bolatının ayttı. – «Armiya – öz ornın eşqaşan tastap ketpeytin mäñgilik qarauıl» degen söz bar. Men sizderge joğarı ataq bere otırıp, bwdan arı da äskeri borıştarıñızdı layıqtı atqaratındarıñızğa, Otanımızğa minsiz qızmet etetinderiñizge senemin. Eldiñ qauipsizdigin qamtamasız etu, qwqıqtıq tärtibi men konstituciyalıq qwrılımın qorğau üşin bar küş-jigerleriñizdi, bilimderiñiz ben täjiribeleriñizdi jwmsaytındarıñızğa senimdimin, – dedi Nwrswltan Nazarbaev. Räsim barısında aviaciya general-leytenantı äskeri atağı N.Ormanbetovke; vice-admiral äskeri atağı J.Janzaqovqa; Memlekettik küzet qızmetiniñ general-leytenantı arnaulı atağı – A.Küreñbekovke; 2-sınıptı memlekettik ädilet keñesşisi sınıptıq şeni – J.Asanovqa; general-mayor äskeri atağı – L.Älşekenovke, D.Dilmanovqa, N.Qaşağanovqa, S.Nwrahmetovke, J.Omarqwlovqa, M.Satovqa, aviaciya general-mayorı äskeri atağı – A.Ayımbetovke, N.Kärbenovke; wlttıq qauipsizdik general-mayorı arnaulı atağı – A.Düysebaevqa; sırtqı barlau general-mayorı arnaulı atağı – K.Ädenovke, Memlekettik küzet qızmetiniñ general-mayorı arnaulı atağı – A.Äşimbekwlına; policiya general-mayorı arnaulı atağı – I.Lepehağa; 3-sınıptı memlekettik ädilet keñesşisi sınıptıq şeni M.Qayıbjanovqa, S.Nwrpeyisovke, W.Patsaevqa berildi.
Elbası memlekettik nagradalar tapsıru räsimine qatıstı
Memleket basşısınıñ Jarlığımen Otan qorğauşı küni qarsañında äskeri jäne qızmettik mindetterin atqaru kezinde erlik pen batıldıq körsetken, sonday-aq wlttıq qauipsizdik pen eldiñ qorğanıs qabiletin qamtamasız etuge, zañdılıq pen qoğamdıq tärtipti nığaytuğa eleuli üles qosqan bir top äskeri qızmetşi, qwqıq qorğau organdarı men wlttıq qauipsizdik qızmetkerleri Qazaqstan Respublikasınıñ memlekettik nagradalarımen marapattaldı. Barlığı 43 adam ordenmen, 63 adam medal'men jäne 2 adam Qazaqstan Respublikasınıñ Qwrmet gramotasımen atap ötildi.
Nwrswltan Nazarbaev jinalğandardı aldağı Otan qorğauşı künimen jäne Wlı Jeñistiñ 71 jıldığımen qwttıqtadı.
– Wlı Otan soğısı – wmıtılmas tarih sabağı. Bir jağınan, ol bizge älemniñ näziktigin eske saladı. Ekinşi jağınan, adam ruhınıñ beriktigi men quattılığın körsetedi. Otanımızdı qorğay bilgen, bizge beybit ömir sıylağan jerlesterimiz osınday bolğan. Sol soğıstıñ qaharmandarınıñ esimi tarih parağına mäñgi jazılıp qaldı. Bizdiñ parızımız – eldiñ qauipsizdigin saqtau, biıl 25 jıldığın atap ötetin Qazaqstannıñ Täuelsizdigin qorğau, – dedi Memleket basşısı.
Qazaqstan Prezidenti el azamattarı şirek ğasır uaqıt boyı twraqtılıq pen kelisimde tatu otbası retinde ömir sürip jatqanına nazar audardı.
– Biraq beybit künde de erlikke orın bar. Wşaqtı aldıñğı şassisiz qondıra bilgen äue kemesiniñ komandiri Dmitriy Rodinniñ erligin bükil qazaqstandıqtar biledi. Ol öziniñ käsipqoylığınıñ arqasında 121 adamnıñ ömirin saqtap qaldı. Men bwl äreketti ülgi twtuğa layıq qaharmandıq dep sanaymın. Sondıqtan oğan «Halıq qaharmanı» atağın beru turalı şeşim qabıldadım. Polkovnik Igor' Karmıkov sel kezinde barlau-izdeu tobın tikwşaqpen evakuaciyaladı. Ömirine qauip töngen 10 adamdı qwtqarıp qaldı. Memleket onıñ eñbegin İİ därejeli «Aybın» ordenimen atap ötedi. Rota komandiri Farhad Tağırbekovtiñ arqasında 40 äskeri qızmetşi aman qaldı. Oğan «Erligi üşin» medali beriledi, – dedi Nwrswltan Nazarbaev.
Memleket basşısı erligimen erekşelengen basqa da adamdardı atap ötti.
– Öz basın qaterge tigip, adamdardı örtten qwtqarğan Daniyar Qaliev eren erliktiñ ülgisin körsetti. Sondıqtan «Erligi üşin» medalimen marapattaladı. Aramızda el qauipsizdigin nığaytuğa zor eñbek siñirip jürgen özge de azamattar bar. Halıqaralıq deñgeyde tanılğan mergen qızımız Äsem Jäkenovanı erekşe atap ötkim keledi. Ol bügin «Jauıngerlik erligi üşin» medaline layıq dep tanıldı, – dedi Qazaqstan Prezidenti.
Nwrswltan Nazarbaev öz basın qaterge tigip, sarbazın keudesimen qorğap qalğan jäne köp jaraqat alğan Qayrat Ümbetovtiñ erligine de toqtaldı. Ol osı erligi üşin «Halıq qaharmanı» atağımen marapattaldı.
Qazaqstan Prezidenti erlik pen qaharmandıqtıñ osınday ülgisi elimizde az emes ekenine rizaşılıq bildirdi.
– Köbiñizdiñ öz erlikteriñizdi ayrıqşa närse dep sanamaytındarıñızdı bilemin. Sizder üşin parızdıñ bärinen biik twratının körsetuleriñiz eki ese bağalauğa layıq. Bwl – bükil elimiz üşin, qazirgi kezde ar-namıs ülgisi qajet bolıp otırğan jastarımız üşin keremet önege. Sondıqtan biz erekşe közge tüsken otandastarımızğa memlekettik nagradalar tapsıramız. Eldiñ qarqındı damuı, azamattarınıñ tınıştığı, qazaqstandıq patriotizmniñ nığayuı – bizdiñ parızımız osı, – dedi Memleket basşısı.
Şara barısında äskeri jäne qızmettik mindetin atqaru barısındağı körsetken batıldığı men erligi üşin «Fokker-100» äue kemesiniñ komandiri D.Rodinge, Wlttıq wlan «Ortalıq» öñirlik qolbasşılığınıñ ştab bastığı – 6505 äskeri bölimi komandiriniñ birinşi orınbasarı Q.Ümbetovke «Halıq qaharmanı» atağı berildi.
I därejeli «Dañq» ordenine Wlttıq qauipsizdik komiteti törağasınıñ orınbasarı N.Bilisbekov, İşki ister ministriniñ birinşi orınbasarı M.Demeuov, Wjımdıq qauipsizdik şartı wyımı Bas hatşısınıñ orınbasarı A.Janqwliev, Pavlodar oblısınıñ prokurorı M.Jörgenbaev ie boldı.
İI därejeli «Dañq» ordeni Memlekettik qızmet isteri ministrligi Sıbaylas jemqorlıqqa qarsı is-qimıl wlttıq byurosı (Sıbaylas jemqorlıqqa qarsı qızmet) törağasınıñ orınbasarı T.Tatubaevqa, Qorğanıs ministrligi 14776 äskeri bölimi BAÄ jäne Kuveyt jäne Katar memleketterindegi äskeri attaşesi qızmetin qosa atqaruşı E.Orazovqa tapsırıldı.
I därejeli «Aybın» ordenimen İşki ister ministrliginiñ departament bastığı A.Baymurzin, Qorğanıs ministrligi 14776 äskeri bölimi komandiriniñ orınbasarı – ortalıq bastığı S.İztileuov marapattaldı.
İI därejeli «Aybın» ordeni Wlttıq qorğanıs universiteti bastığınıñ birinşi orınbasarı S.Asanovqa, Memlekettik küzet qızmetiniñ departament bastığı N.Jwmabaevqa, Qorğanıs ministrligi 10228 äskeri böliminiñ komandiri R.Janseyitovke, Qarulı Küşteri Äue qorğanısı küşteri bas qolbasşısınıñ basqarması bas ştabı bastığınıñ orınbasarı Ä.Ibıraevqa, Wlttıq qauipsizdik komiteti «Arıstan» qızmeti bastığınıñ birinşi orınbasarı F.Qamenovke, Wlttıq qauipsizdik komiteti Şekara qızmeti jeke 1-şi aviaciyalıq bazasınıñ komandiri I.Karmıkovqa, Wlttıq wlan «Oñtüstik» öñirlik qolbasşılığı 5572 äskeri böliminiñ komandiri V.Puzikke, Memlekettik küzet qızmetiniñ departament bastığı K.Twrsınbaevqa berildi.
«Erligi üşin» medali İşki ister ministrligi Qostanay oblısı Tötenşe jağdaylar departamenti Qostanay qalası № 3 ört söndiru böliminiñ bölimşe komandiri D.Qalievke, İşki ister ministrligi Astana qalası İşki ister departamenti Jol-patrul'dik policiyası polkiniñ policeyi B.Qarımbaevqa, rota komandiri – Qorğanıs ministrligi 29011 äskeri bölimi ştab batal'onı komandiriniñ orınbasarı F.Tağırbekovke tapsırıldı.
«Jauıngerlik erligi üşin» medalimen Qorğanıs ministrligi 44736 äskeri bölimi arnayı maqsattağı barlau rotasınıñ mamanı (barlauşı-mergen) Ä.Jäkenova, Qorğanıs ministrligi 21751 äskeri bölimi aviaciyalıq eskadril'yasınıñ komandiri A.Qwlbasov, Qorğanıs ministrligi 85395 äskeri bölimi tank batal'onınıñ komandiri D.Mwhametjanov, Qorğanıs ministrligi 36803 äskeri bölimi zımıran-tehnikalıq divizionınıñ komandiri M.Smağwlov nagradtaldı.
Pikir qaldıru