Bügin Parlament Mäjilisiniñ jalpı otırısında palata deputattarı «Qazaqstan Respublikası Jer kodeksiniñ jekelegen normalarınıñ qoldanısın jäne «Qazaqstan Respublikasınıñ Jer kodeksine özgerister men tolıqtırular engizu turalı» 2015 jılğı 2 qaraşadağı Qazaqstan Respublikası Zañınıñ qoldanısqa engiziluin toqtata twru turalı» zañ jobasın ekinşi oqılımda maqwldadı, dep habarlaydı QazAqparat. Endi qwjat Parlament Senatınıñ talqısına şığarılatın boladı.

Mäjilis deputatı Sergey Zvol'skiydiñ aytuınşa, zañ jobasın talqılau barısında deputattar tarapınan jer qatınastarın retteuge bağıttalğan basqa da birqatar wsınıstar kelip tüsken. Sonıñ işinde auıl şaruaşılığı maqsatındağı jerlerdi paydalanu mäseleleri de bar. Alayda, onı bastama jasağan deputattar keyinnen özderi alıp tastadı. «Biz jer zañnamasına qatıstı zañnamalıq özgerister engizu mäselesini tek QR Prezidentiniñ tapsırması boyınşa qwrılğan Jer reforması jönindegi respublikalıq komissiyanıñ otırıstarı ayaqtalğannan keyin ğana qarastıramız dep şeştik. Komissiya jergilikti jwrtşılıqtıñ pikirlerin, öñirlerdegi mäselelerdi tereñ qarastırıp, talqılauğa kirisken. Osığan baylanıstı, qaralıp otırğan zañ jobasında Memleket basşısınıñ mamır ayındağı moratoriy turalı Jarlığın iske asıru tetikteri ğana qamtılıp otır», – dedi S.Zvol'skiy.

Zañ jobası jer zañnamasınıñ keybir normaların qoldanuğa moratoriy engizu turalı QR Prezidentiniñ ağımdağı jılğı Jarlığın orındau maqsatında äzirlengen. Atalğan zañ jobasımen ağımdağı jıldıñ 31 jeltoqsanına deyin «QR Jer kodeksine özgerister men tolıqtırular engizu turalı» zañnıñ jäne Jer kodeksiniñ birqatar normaları toqtatıladı. Atap aytqanda kodekstegi şeteldikterge, azamattığı joq adamdarğa, şeteldik zañdı twlğalarğa jarğılıq kapitalındağı şeteldikter men azamattığı joq adamdardıñ, şeteldik zañdı twlğalardıñ ülesi elu payızdan asatın zañdı twlğalarğa auıl şaruaşılığı maqsatındağı jer uçaskelerin jaldau şarttarı men uaqıtşa jerdi paydalanu qwqığın berumen, sonımen qatar, Qazaqstan Respublikasınıñ azamattarına jäne memlekettik emes zañdı twlğalarğa memlekettik menşiktegi auıl şaruaşılığındağı jer uçaskelerine jeke menşik qwqığın berumen baylanıstı normalarınıñ qoldanısqa engizu merzimi toqtatıladı.

kazinform.kz