Aqtöbe oblısında 1 mıñ 665 “radikaldıq wstanımdağı” adam bar dep mälimdedi bügin Wlttıq qauipsizdik komiteti Aqtöbe oblıstıq departamentiniñ bastığı Nwrlan Qadırbaev.

Azattıq tilşisiniñ habarlauınşa, Qadırbaev bwl turalı bügin Aqtöbedegi Wlttıq gvardiyanıñ 6655 äskeri böliminde prem'er-ministr Kärim Mäsimovtiñ qatısuımen ötken antiterrorlıq ştab jiında ayttı.

Aqtöbedegi şabuıldar men oblıstağı qauipsizdikke qatıstı söylegen Qadırbaev atalğan bir jarım mıñnan astam adamnıñ 90-ı “qauipti jihadşı” ekenin, “ıñğaylı sätin kütip jihadqa dayın otırğanın” ayttı. “Biz jwmıs jasap, 50 salafitti rayınan qaytardıq. Köp jağdayda olardı rayınan qaytaru qiın. Sebebi bizdiñ öñirde sauattı teologtar men bedeldi imamdar asa tapşı” dedi Qadırbaev. Ol osığan baylanıstı ükimetten Aqtöbe oblısı boyınşa dini mamandar tapşılığı mäselesin şeşuge kömektesudi swradı.

Qadırbaev bwğan qosa WQK oblısta 14 “radikaldıq top ökilderin şetelge ketpek äreketin” toqtatqanın ayttı.

Ol şabuıldar men odan keyingi arnayı operaciyadarda WQK departamenti men işki ister departamenti materialdıq-tehnikalıq qamtamasız etilu jağınan qiındıq körgenin de ayttı. Onıñ sözinşe, WQK departamentiniñ ğimaratınıñ özi zamanaui qauipsizdik talaptarına say kelmeydi. Departamentte zamanaui baqılau qwrılğıları da joq ekenin ayttı Qadırbaev.

Aqtöbede 5 mausımda bir top qarulı adam eki qaru-jaraq dükeni men äskeri bölimge şabuıldap, saldarınan resmi mälimet boyınşa segiz adam qaza tapqan. Şabuıldan keyingi terrorizmge qarsı arnayı operaciyalar barısında 9 küdikti wstalıp, 18-iniñ közi joyılğanı habarlanğan.

Azattıq radiosı