Biılğı jılı oraza wstağan otandıq jwldızdar
kerey.kz
Auız bekitip, oraza wstaudıñ ruhani twrğıdan da, densaulıq twrğısınan da paydası zor. Osı orayda NUR.KZportalı biılğı jılı oraza wstağan otandıq jwldızdardı nazarğa wsınadı.
Säken Mayğaziev
Allanı auzınan tastamaytın dinge berik otandıq jwldızdardıñ biri – änşi Säken Mayğaziev. Ol öz jeli paraqşasında oraza ayın tağatsız kütip jürgenin bayqatıp, altınşı mausımğa qarağan tüni auız bekitkenin jazğan.
“Assalaumağaleykum, ağayın! Bügin, yağni, mausım ayınıñ 5-nen 6-na qarağan tüni tañ aldında auız bekitemiz. Ramazan – pendeniñ Jaratuşısına jaqınday tüsetin uaqıtı. Osı mümkindikti ärbir mwsılman jiberip almauı kerek. Şeksiz meyirim iesi Alla tağala pendeligimizdi, älsizdigimizdi keşirip, otız kün orazamızdı qabıl etkey”, – dep jazğan oraza bastalardıñ aldında Säken Mayğaziev.
Kenjebek Janäbilov, Meyrambek Besbaev, Nwrlan Abdullin, Abay Begey sındı änşilerimiz de Mekkege barıp, bes uaqıt namaz oqitın, Ramazan ayın asığa kütip, auız bekitetetin jandar.
Aynwr Twrsınbaeva
Aytısker aqın Aynwr Twrsınbaeva da biıl auız bekitken jwldızdar qatarında.
“Osı posttı jazamın dep jürgenime 2-3 kün boldı, äyteuir qolım bosamay qoydı… Keşeden beri basım sınıp, telefonğa qarauğa şamam kelmey qaldı… Bügin jazbasam keş bolatının bilip, qinalsam da jazayın dep otırmın… Dostarım, qasietti Ramazan ayı da keldi, bwyırsa bügin tünde auız bekitemiz… Jalpı basqalarğa qarağanda meniñ oqırmandarım öte imandı.. 80-90% oqırmanım orazanı anıq wstaydı… Bwl post orazanı wstauğa dayın emespiz deuşilerge, qinalıp qalam dep qorqıp otırğandarğa arnaladı… Eñ aldımen oraza wstap ölip qalğan eşkim joq, kerisinşe barlıq auru astan boladı, al keşke deyin aş jüruge şıdamıñız jetpese, siz öte älsiz adamsız”, – dep Ramazan ayı aldında jazba jariyalağan aqın oraza ayınıñ ğajayıptarın söz etti.
“Meniñ bir tanısım därigerler eşqaşan balañ bolmaydı, wrıqtarıñ ölip qalğan degen edi, keyin qızdı boldı… Sebebin swrağanımda otız kün orazada bir kün demalmay dwğa jasadım, oraza bite salıp äyelim bala köterdi degen bolatın… Kimniñ jüregi tınış emes, kimniñ jwmısı jürmey jatır, kim qinalıp jür, kimniñ otbasında bereke bolmay twr? Bügingi tünnen qalmay oraza wstasın! Eş dayındıqtıñ keregi joq! Men oraza wstauğa niet ettim, Alla barlıq qiındıqtan qwtqar dep dwğa jasasa boldı! Bwl aydıñ qasietin men sözben tüsindire almaymın… Ärbir minuttı paydalanıp qalıñızdar… Alla aytadı, bäteñkege bau kerek bolsa da menen swra, men barlıq keregiñdi tauıp beremin, barlıq dwğañdı qabıl etemin deydi, al Ramazan ayı barlıq dwğa qabıl bolatın ay dostarım… Al, kimder orazanı asığa kütip otır eken, ayta otırıñızdar?”, – deydi Aynwr Twrsınbaeva jeli paraqşasında.
Ğani men Bota Jünisovter
FOTO: YOUTUBE.COM
Ğani men Bota Jünisovter de jıldağı ädetteri boyınşa, oraza wstap auız bekitude dep habarladı 31 arna. Qasietti jwmada dwğa-tilek jasau üşin meşitke keletin ädetteri bar.
Sivi Mahmudi
Ramazan ayında oraza wstağan kezekti otandıq jwldız – änşi Sivi Mahmudi. Ol jeli paraqşasında auız bekitkenge deyin kirpik ilmeytinin jazğan.
“Auız bekitkenşe wyqı joq”, – deydi Sivi jeli paraqşasında.
Auızaşar berip, igi ister tındırıp jürgen otandıq jwldızdar
Meruert Tüsipbaeva
FOTO: MASSAGET.KZ
Elimizdiñ şou-biznes jwldızdarı arasında auız bekitken-bekitpegenin aşıq aytpasa da, auızaşar berip, igi is tındırıp jürgender barşılıq. Solardıñ biri – Meruert Tüsipbaeva. Büginde Gruziyada demalıp jürgen änşi jaqında 83 jastağı äjesine auızaşar bergen eken.
“Şetelge jol jürer aldında 83 jastağı (13 jastan auızın bekitken,11 bala tuğan) äjeniñ aq batasın alıp, auızaşar berdim”, – dep jazğan Meruert.
Marjan Arapbaeva
Marjan Arapbaeva auızaşarğa mahabbatpen dämdi tamaq pisirip jürgenin jazğan bolatın. Alayda änşi soñğı kezderi twmauratıp qalıp, jöndi tamaq äzirley almay qalğanına küyinişin bildirgen.
“Auırğandı jek köremin. Tösek tartıp jatqanıma üş kün boldı. Tür bıt-şıt, şaş bıt-şıt, tırnağım da bıt-şıt. Al men köşege şıqqım keledi. Degenmen ertemen twrıp, jwmıstarıma kirisuge niettimin. Üydegilerdiñ “normal'nıy tamaq” jemey jürgenderine ekinşi kün boldı. Auızaşarğa äjeptäuir pısıq bolıp, mahabbatpen dämdi tamaq pisirip jür edim. Üydegiler mağan qarap, “oypırmay köz timesin” dep jür edi… Sonda da köz tiip ketken siyaqtı ğoy”, – dep jazğan Marjan jeli paraqşasında.
Qaraqat Äbildina
Änşi Qaraqat Äbildina küyeui Qıdıräli Bolmanovpen birge islam dinin berik wstanatındarın jasırmaydı. Olar jeli paraqşasında balaların da nağız mwsılman etip tärbielep jürgenderin añdatadı. Mäselen, Qaraqat wlın kişkentayınan namazğa üyretkendi jön sanap, wlınıñ eki jasında namazğa jığılğan fotosımen bölisken bolatın.
Qaraqat osı jılı “Oraza bağdarlamasına köşuge nietti” ekenin öz jeli paraqşasında jazğan. Alayda änşiniñ bağdarlama dey otırıp neni meñzegeni, qarapayım salmaq tastau bağdarlamasın ba, älde Ramazan ayında oraza wstaudı ma, ol jağı tüsiniksizdeu bolıp qalğan.
“Qayırlı tañ dostar! Men tağı da salmaq tastau bağdarlamasın qolğa aldım. Osıdan bir jıl bwrın, osı bağdarlama qızmetin qoldanıp, nätijesine öte riza bolğanmın, endi koncerttiñ aldında tağı bir kurs alıp, Oraza bağdarlamasına birtindep köşudi josparlap otırmın”, – dep jazğan änşi Ramazan ayı bastalar aldında.
Äbildina auız bekiter men aşardağı dwğalardı, uağızdardı jeli paraqşasına jüktep, wldarımen meşitke jol tartqan sätinen fotosımen bölisken.
“Qoñır qozım men aq qozımdı ertip, imandılıq sabağına meşitke bet aldıq. Alla tağalam saliqalı wrpaq süyudi näsip etsin”, – dep jazğan Qaraqat foto astına.
Pikir qaldıru