– Biılğı jılı bölinetin memlekettik bilim grantınıñ sanı anıqtaldı. Memlekettik tapsırıs boyınşa 39 994 orındı qwrap otır. Onıñ işinde bakalavriat – 32 168 grant, magistratura – 7 241 grant, doktoranturağa – 623 grant bolıp otır. Bwrınğıday biılda memlekettik granttardıñ basım köpşiligi tehnikalıq mamandıqtarğa beriledi. Tehnikalıq mamandıqtardıñ ülesi 42,4 payızdı qwrap otır, – deydi vice-ministr.

Täkir Balıqbaevtıñ aytuınşa biılğı jılğı memlekettik granttardıñ bölinuiniñ tağı bir erekşiligi bar eken. Memlekettik granttardıñ basım köpşiligi qazaqşa  mektep bitirgenderge bölinedi deydi.

– Biılğı jıldıñ memlekettiñ tapsırısındağı bastı erekşelik – granttardıñ oqu tiline baylanıstı bolıp otır. Memlekettik granttardıñ 75 payızı qazaq bölimine jäne 25 payızı orıs bölimine bölinetin boladı. Osı uaqıtqa deyin granttar eki tilge şamalas proporciyamen bölinip keldi. Biraq endi mektep bitiruşilerdiñ ülesi boyınşa, qazaq mektebin bitirgender orıs mektebin bitirgenderden basım. Sondıqtan osınday şeşimge keldik, – deydi ol.

Ayta keteyik, biılğı jılı 124 379 oquşı mektep bitirdi. Onıñ işinde 84302 oquşı qazaq tilinde bolsa, orıs tilinde – 40077. YAğni qazaq tilinde bitiruşilerdiñ sanı orıs mektepterine qarağanda eki esege köp. Al WBT-ğa qatısuğa 87782 ötiniş berilgen. Qazaq tilinde test tapsırğandardıñ sanı – 62384. Orıs tilinde test tapsırğandar – 25 398 oquşı.