Kökbastauda top jarğan
kerey.kz
Prezident kubogi
Kökbastauda top jarğan
Almatı oblısı äkimdiginiñ demeuimen Jambıl audanındağı «Kökbastau» ippodromında Qazaqstan Respublikası Prezidentiniñ kubogı üşin el Täuelsizdiginiñ 25 jıldığına Konstituciya künine oray wyımdastırılğan at sportı türlerinen ötken dübirli jarıs ötti. Oğan Qazaqstan Prezidenti kubogın jeñip alu üşin Respublikamızdıñ tükpir-tükpirinen kelgen şabandozdar men jaldarınan jel esip, atqan oqşa zulağan säygülikteriniñ qarımı osı jarısta sınaldı. Sonımen qatar körşi qırğız eliniñ twlparları da jarıs jolında boy körsetti.
Jwrt tolıq jinalıp, säygülikter saylanıp bolğansoñ Qazaqstan Respublikasınıñ Memlekettik Gimni orındalıp, äuezdi saz biikke qalıqtadı. Halıq aldındağı sahna törine şıqqan «Süyinbay sazı» fol'klorlıq-etnografiyalıq ansambiliniñ önerpazdarı än men küydi tökpelep mereke şırayın kirgizdi.
Prezident kubogi jüldesine arnalğan at sportı türleriniñ jıl sayın ötkizilui twğırlı Täuelsizdigimizdiñ arqası desek qatelespeymiz. At bäygesine 7 avtokölik jäne aqşalay sıylıqtar belgilendi. Mejeli uaqıtta belgili atbegi, jarıstıñ bas töreşisi Orıntay Ämirğaliev bastağan şabandozdar janküyerler aldınan saltanatpen sap tüzep ötti.
Dübirli jarıstıñ saltanattı aşılu räsiminde, Almatı oblısınıñ äkimi Amandıq Batalov Elimiz egemendigin alğannan beri Elbasımızdıñ sarabdal sayasatınıñ arqasında beybit ğwmır keşip, wlttıq qwndılıqtarımızdı qayta jañğırtıp, ata saltımız jandanıp berekeli elge aynaldıq. Salauattı ömir saltın qalıptastıru, at soprtı türlerin damıtu üşin, Almatı oblısında köptegen şaralar jüzege asırıldı. Är türli deñgeydegi wlttıq sport jarıs türlerin twraqtı türde ötkizip keledi. Sonıñ biri bügingi Qazaqstan Respublikası Prezidentiniñ kubogi üşin ötkizilip otırğan Respublikalıq jarıs. Biz ejelden at qwlağında oynap jelmen jarısıp saygülik baptağan eldiñ wrpağı ekenimizdi maqtan twtamız dey kele, Konstituciya künimen qwttıqtap, dübirli doda jüzden jüyrik, mıñnan twlpar şığatın säygülikterge, şabandozdarğa sättilik tilep, wyımdastıruşılarğa rizaşılığın bildirdi.
Teri alınıp, babına kelgen 29 tay 5şaqırım jarıs jolına şığıp, dala tösin dübirletti. Soñğı aynalımda top jarıp märege jetken Jambıl audanınñ tuması Ahattıñ ieligindegi «Jwldızı» birinşi bolsa, Qarasay audanınıñ namısın qorğağan Janqwlievter äuletiniñ «Temiri» ekinşi, Köksu audanınan Mwrat Kültenovtıñ «Erketorısı» üşinşi, Alaköl audanınan Baybatır Satıbaldinniñ «Narküreñi» törtinşi, Eskeldi audanınan Aqılbay Aqberlinniñ «Künquarı» özara bölisti. Arasında jigittiñ eptiligi men jıldamdığın anıqtaytın teñge ilude Märtjan Meyirjannan eşkim asa almadı. 9 şaqırımdıq Jorğa jarısına 24 jorğa şığıp, Su tögilmes jorğalar işinen oyqastap jetken Jambıl audanı namısın qorğağan Asılbek Bökebaetiñ «Joyqını» birinşi orın, Şığıs Qazaqstan oblısınan kelgen Nikolay Şaparevtiñ «Eelegnti» ekinşi orın, Üşinşi törtinşi orındardı Qırğızstan elinen Alipbek Jünisovtiñ «Gangi» Zamirbek Mwqaşevtiñ «Plenniki» özara bölisse besinşi orındı Jambıl audanınan Asılbek Bökebaevtiñ «Swlutorısı» aldı. 11 şaqırımdıq Qwnan bäygede 49 qwnan baq sınadı. Birden topala jüytkigen jüyrikter arasınan oq boyı ozı şığıp, qwyınday qwyğıtıp märege jetken Jambıl oblısınan Mwrat Öserbaevtiñ «Ajartorısı» birinşi, tağıda Jambıl oblısınan Älibek Jwmabektiñ «Jadratı» ekinşi, Qarasay audanınan Seytjan Qayqıbaevtiñ «Samirı» üşinşi, Jambıl oblısınan Esbol Şıñtasotıñ «Tausamalı» törtinşi, Qarasay audanınan Maylıbaevtar äuletiniñ «Milediine» besinşi orın bwyırdı. 16 şaqırımdıq Top bäygede 40 at baq sınasıp Topjarğan Qarasay audanınan Älnwr Nazarbaetiñ «Sülikqarası» birinşi, Jambıl audanınan Wlan Omarovtiñ «Beriktası» ekinşi, Jambıl oblısınan Mwrat Öserbaetiñ «Şehrizatı» üşinşi, Balqaş audanınan Narımbet Ädibaevtiñ «Şayküreñi» törtinşi , Qarasay audanınan Älnwr Nazarbaetiñ «Bosmoyını» besinşi orınnan körindi. Kezek 25 şaqırımdıq alaman bäygege de kelip, Ümitterin ükilegen 39 twlpadıñ arasınan 9 aynalımğa şıdas bergen jeltwyaqtardıñ ayı oñınan tudı dese de boladı. Sonımen Qarasay audanınan Älnwr Nazarbaevtiñ «Millioneri» birinşi, Jambıl oblısınan kelgen Serik Swltanbaevtiñ «Atilası» ekinşi, Qarasay audanınan Älnwr Nazarbaevtiñ «Qozıküreñi» üşinşi, Jambıl oblısınan Esbol Şıñtasovtıñ «Samalı» törtinşi, Mañğıstaulıq Äbdiğali Tañatarovtıñ «Djekpoti» besinşi bolıp märe sızığın bastı.
Jeñimpazdar men jüldegerlerdi marapattau räsiminde, 25 şaqırımdıq Alaman bäygede märege qara üzip jetken «Millioner» degen attıñ iesi, Älnwr Nazarbaevqa, KSRO-nıñ eñbek siñirgen sport şeberi, Mäskeu Olimpiadasında Qazaqstannan şıqqan twñğış Olimpiada çempionı Jaqsılıq Üşkempirov Prezident kubogi men jol talğamaytın Avtoköliktiñ kilitin tabıstadı. Bäygeniñ basqa da türlerine tigilgen jeñil avtokölikter men aqşalay sıylıqtardı Almatı oblısı mäslihatınıñ hatşısı Serik Mwqanovpen Almatı oblısı ardagerler keñesiniñ törağası Ermek kelemseytov tabıstadı. Dübirli jarıs ötken, Kökbastau sppodromın jwrtşılıq qimay tarqastı.
Kögeday ŞÄMERHAN
kerey.kz
Pikir qaldıru