Orıs baspasözi qazaq boksşısı Gennadiy Golovkindi kezekti ret «Resey azamatı» atandırdı. «Jurnalistskya pravda» gazeti GGG-diñ  Britan boksşısı Kell Brukpen bolğan juırdağı jekpe-jeginen keyin onı «Resey boksşısı» dep jazdı.

Esteriñizge sala keteyik, Golovkinmen şarşı alañda şayqasıp körmek bolmağan Britan boksşısı…qazir emhanada jatır. Qarsılasın ringtten «renimaciyağa» attandırğan Golovkinniñ  erligine esi ketse kerek, onıñ zatı orıs  bolğanın maldanğan orıs baspasözi tağı da belden basıptı. Bwlay deuimizge sebep: bwnıñ aldında, 2015 jılı Gazeta.ru saytı da bizdiñ sarı balanı «Resey azamatı» dep «jañalıq» aşqan-dı. Sport oyındarın telearnalardan taratatın Resey tilşileri de GGG-di keyde ötirik jañılısqan bolıp, «Bizdiñ jigit», «Resey azamatı» dey saladı. Alayda, Golovkin älgindey «qate aqparattarğa» nemketti qarağan emes, tüzetu engizip, tezge salıp otıradı. Orıs jurnalisteriniñ oyındağı qarulıqqa qarımta jasau kerektigin äbden tüsinse kerek, birde ol: «Äkem – orıs, şeşem – käris, al, men özim – qazaqpın!» dep salğan edi.

«Golovkin – Qazaqstannıñ şın patriot wlı. Ol är jekpe-jekke qazaq şapanın jamılıp, qazaqı ruhpen şığadı. Onıñ bolmısında, jan düniesinde tuğan eline degen zor qwrmet bar» deydi qazaqstandıq janküyreler.

P.S. Orıs baspasözi älgindey degenimen Batıs jurnalisteri näsilin, tegin tergemesten azamattı, twlğanı eline qarap atay beredi. Batıs baspasözi üşin mısalı, Golovkin – qazaq, balıq bala Ballandin de – qazaq. Rıpakova, Levitter de – qazaq. Bwnday “qazaqtıqtı” älemde tek orıs jornalşıları ğana moyındamaydı.

Abai.kz