T.Jürgenov atındağı Qazaq wlttıq öner akademiyasındağılar ministr Arıstanbek Mwhamediwlın ayıptağan bwrınğı student jaylı aytıp berdi, – dep habarlaydı Tengrinews.kz tilşisi. Akterlik şeberlik kursınıñ mwğalimi Gülnar Amanjanovanıñ aytuınşa, student Eñlik Sıdıqova şın mäninde osı joğarı oqu ornında oqıp, akterlik şeberlik kursın 2015 jılı tämamdaptı.

“Ol jaqsı oqıdı dep ayta almaymın, sebebi sabaqtan köp qalatın. Biraq oğan jeñildikter jasadıq, sebebi boyında öneri bolatın, oğan mümkindik berdik. Onıñ mümkindigi bar, biraq sol qasietterin aşpadı, sebebi oqımaytın. Mwnı estigen meniñ özim tañğalıp otırmın. Mwnday dünieni birjaqtı aytu oñay bolıp köringen siyaqtı… Eger şın mäninde osınday jağday bolsa, däleli boluı kerek. Al onıñ istep otırğanı balalıq siyaqtı. Eñlik şığarmaşılıqtıñ adamı, şığarmaşılıqpen aynalısqanı dwrısıraq”, – dep esepteydi Gülnar Amanjanova.

Qızdıñ Mwhamediwlın böten oyğa tarttı dep ayıptauın mwğalimi aqılğa qonımsız äri dälelsiz dep esepteydi. “Ol Bolat Atabaevtıñ kursında oqığan. Bwl kurstı Bolat Atabaevtıñ jeke-jeke tañdap alğanın da jaqsı bilemin, sol tañdağandarınıñ işinde osı qız da bolğan. Ol öte qatañ, wstanımı berik adam, ol äldebireulerdiñ, tipti rektordıñ wsınısı bolsa da, oğan jol bermeydi. Atabaevqa qızdıñ tür-keskini men darını wnağan boluı kerek. Qızdıñ darını bar dep ayta alamın. Bizge oquğa tüsip, tämamdap şıqtı”, – dedi Amanjanova.

Qız “Muzıka teatrınıñ aktrisası” mamandığı boyınşa oqığan. Oqıtuşısınıñ aytuınşa, qız köp sölemeytin, oquın bitirgen soñ tuğan qalası Qızılordağa ketip qalğan.

Facebook/Eñlik Sıdıqova

Eske salayıq, osığan deyin Internette T.Jürgenov atındağı Qazaq wlttıq öner akademiyasınıñ tülegi sol kezde osı oqu ornınıñ rektorı bolğan Arıstanbek Mwhamediwlın böten oyğa tarttı dep ayıptağanbolatın.

Al QR mädeniet jäne sport ministri Arıstanbek Mwhamediwlı qısım körsetti degen qızdıñ ayıptauına jauap bergen edi. Ministr mwnday arandatuşılıq videoündeudiñ payda boluın rejisser Talğat Jänibekovtiñ jobasımen baylanıstırdı.

tengrinews.kz