Olimpiada oyındarınıñ jüldegeri, QR eñbek siñirgen jattıqtıruşısı Däulet Twrlıhanov pen Niney One ökilderi Jelide tarağan audiojazbağa qatıstı pikir bildirdi, – dep habarlaydı Tengrinews.kz tilşisi.

Ayta keteyik, osığan deyin Internette Däulet Twrlıhanov pen Erbolat Bedelhannıñ atınan söylesken adamdardıñ audiojazbası payda bolğan edi. Jariyalanğan audiojazbada özin Däulet Twrlıhanov dep tanıstırğan adam Erbolat Bedelhanğa Ninety One tobı üşin sögis aytadı. “Nemene şulatıp jürsiñder, tepse temir üzetin jigitter ğoy balalar, (…) şeteldikterge wqsaydı ğoy türleri, şetelge ketip qalsın”, – deydi er adam. Bwğan toptıñ prodyuseri delingen adam maqwldap, keliskendey boladı.

https://youtu.be/bNNM52iV9D8

Redakciyamızğa Niney One tobınıñ ökilderi habarlasıp, bwl videoğa qatıstı pikirin bildirdi. “Qazir toptıñ prodyuseriniñ aynalsında bolıp jatqan oqiğanıñ barlığı – qastıq äreketter. Onı kimniñ jasap jatqanın biz äzirşe bilmeymiz. Eñ qızığı Erbolat Bedelhannıñ dausın şeber salıptı, tipti bizdiñ özimiz öz qwlağımızğa sene almadıq. Soñğı uaqıtta bizdiñ aynalamızda şu şığıp jatqanı eşkimge de jasırın emes. Biz barlığına da tüsinip qaraymız”, – deydi toptıñ prodyuserligimen aynalısatın Juz Media kompaniyasınıñ ökilderi.

Sonday-aq, olar top taraydı degen qauesetti de joqqa şığardı. “Barlıq jetistikke eñbekpen, qajır-qayratımızben jettik. Qazir de qajır-qayratımız bar. Ündemesek, bwl sahnadan ketuimizdi bildirmeydi. Biz jwmıs barısındamız, eñbektenip jatırmız, sebebi maqsatqa jetuimiz kerek. Sondıqtan resmi türde aytamız, Niney One tobın taratu Erbolat Bedelhannıñ josparında joq. Biz bir otbasımız. Birge bastadıq, şou-biznestegi jolımızdı birge jalğastıramız”, – dep pikir bildirdi Niney One ökilderi.

Öz kezeginde Däulet Twrlıhanov ta Instagram jelisindegi resmi paraqşasında bwl audiojazbadağı dauıstıñ özine tiesili emes ekenin ayttı. “Qwrmetti oqırmandar! Men Ninety One tobına eşqanday da sögis aytqanım joq, top prodyuseri Erbolat Bedelhan ekeumizdiñ aramızda eşqanday da əñgime bolğan emes”, – dep mälimdedi Däulet Twrlıhanov.

tengrinews.kz