Bügin Aqordada Nwrswltan Nazarbaev modernizaciya boyınşa wlttıq komissiyanıñ keñesinde Astana atauına öz atın kiristiru wsınısına qatıstı pikirin bildirdi. Bwl turalı prezidenttiñ baspasöz qızmeti habarladı.

“Qay närse bolsa soğan “nwr”, “nwrlı “degen sözdi qosadı. Bärin meniñ atımmen baylanıstıradı. Men bwl taqırıpqa birneşe ret öz oyımdı ayttım. Barlığı men bär jerge nwrlı dep jazuğa bwyrıq berip jatır dep oylaydı. Keşe parlament Astana atauın meniñ esimimen ataudı wsınıptı. Men mwnday oydı eşkimge aytqan joqpın… Qazaqstannıñ 25 jıldağı jetken jetistigin men jalğız jasağan joqpın. Sizderdiñ de (ükimet müşeleri – red) qosqan ülesteriñiz köp. Parlamentke deklaraciya üşin rahmet, adam retinde olardıñ aytqandarı mağan wnadı. Parlament jeke bilik tarmağı retinde öz oyların aytuğa, şeşu şığaruğa qwqılı. Biraq eldi mekenderdiñ atın özgertetin bolsaq talqılap barıp şeşim şığaramız” dedi ol.

Nazarbaev ükimet pen parlamentke naqtı isterdi şeşumen aynalısu kerektigin de ayttı.

23 qaraşada Astanada parlamenttiñ birikken otırısında mäjilis deputatı Quanış Swltanov Astana atauın “Nwrswltan” nemese “Nazarbaev” dep auıstırudı wsınğan. Onıñ wsınısın basqa da deputattar qoldağan. Deputat Mäulen Äşimbaev bwl ideyanı «dwrıs äri mañızdı» dep bağaladı. Zağipa Balieva Astana atauın «Nazarbaev» dep özgertudi, Baqıtgül Hamenova «Elbası» degen ataudı qwptaytının ayttı. Senat deputatı Mihail Bortnik «Astana-Elbası» degen ataudı wsındı. Bwl wsınıs baspasözde jariyalanğan soñ äleumettik jelilerde narazı sipattağı türli pikirler aytılğan.

Azat Europa / Azattıq radiosı