AQŞ-tıñ jaña saylanğan prezidenti Donal'd Tramp Ortalıq barlau basqarmasınıñ (nemese CRU) “Resey prezident saylauına kilikti” dep twjıruın “külki keltiredi” dep atadı. Onıñ pikirinşe, demokrattar onı Hillari Klintonnıñ nege jeñilgenin tüsindiretin “tağı bir sıltau” retinde paydalanadı.

Fox News Sunday telearnasına bergen swhbatında Tramp prezident Barak Obamanıñ saylau nauqanı kezinde bolğan kiberşabuıldarğa taldau jasau turalı bwyrıq bergenine qarsı emesin ayttı. Degenmen, Tramptıñ sözinşe, bwl jerde tek Resey turalı aytuğa da bolmaydı. ” Basqa da elder, bälkim, basqa da adamdardıñ bwl şabuıldarğa qatısı bar boluı mümkin ekeni aytıluğa tiis” dedi Tramp.

Obama äkimşiligi Aq üy Resey tarapınan jasaluı mümkin kiberşabuıldardı ğana emes, sonımen qatar 2008 jäne 2012 jıldarı qıtaylıq hakerler jasağan kiberşabuıldardı da tekseretinin aytadı.

AQŞ kongresine Demokratiyalıq partiya men Respublikaşıl partiyadan saylanğan tört senator bügin Reseydiñ saylau kampaniyasına kiligui “ärbir amerikalıqtı alañdatuı” tiis ekenin jäne Kongress bwl isti qanday da bir partiya müddesi üşin emes, el qauipsizdigi maqsatında tekserui qajet ekenin mälimdegen.

“Bwl oqiğalardı tıñğılıqtı zerttep, kiberşabuıldı tejep, odan arı qaray qorğanudıñ keşendi şaraların jasau üşin demokrattar men respublikaşıldar Kongreste birge jwmıs istesui tiis” dep mälimdedi senattağı demokrattar basşısı Çak Şumer, demokrat Djek Rid, respublikaşıl senatorlar Djon Makkeyn jäne Lindsi Grem. Olar qospartiyalıq jüyede jwmıs istesuge jäne bwl tekseruge qatıstı küş biriktiruge dayın ekenin bildirdi.

Bwğan deyin Washington Post gazeti CRU Resey Tramptıñ Klintondı jeñuine kömektesu üşin saylauğa kilikti dep habarlağan. Tramp mwnı dereu joqqa şığarıp, “Bwl – Saddam Huseynde jappay qırıp-joyatın qaru bar” degen adamdardıñ jwmısı” dep bağaladı.

Azat Europa / Azattıq radiosı