Qazaqstan Prezidenti saltanattı is-şara barısında «Täuelsizdiktiñ 25 jıldığı» monumentiniñ bükil halıq bolıp Täuelsizdik mereytoyın merekelep jatqan alğaşqı küni aşılıp otırğanın atap ötti.

– Biikke wmsınğan bwl auqımdı eskertkiş elimizdiñ şirek ğasırdağı bwrın-soñdı bolmağan şarıqtau kezeñin jäne älemniñ eñ ozıq otız eliniñ qatarına qosıluğa wmtılısın ayşıqtaydı. Onıñ 25 qırı – Täuelsiz Qazaqstannıñ zamanaui tarihınıñ ärbir jılınıñ simvoldıq beynesi, – dedi Nwrswltan Nazarbaev.

Memleket basşısı monumenttiñ respublikamızdağı bastı säulet rämizderiniñ qatarınan ayrıqşa orın alatınına senim bildirdi.

– Bwl monument Qazaqstan Respublikasınıñ bes jıldığı qarsañında Almatı qalasında aşılğan alğaşqı Täuelsizdik monumentiniñ, elordamızdıñ simvolı bolğan Bäyterektiñ, Täuelsizdiktiñ 20 jıldığında boy kötergen «Qazaq eli» memorialdıq keşeni men «Mäñgilik El» saltanat qaqpasınıñ ortaq tarihi jelisin jalğastıratın boladı, – dedi Elbası.

Qazaqstan Prezidenti Astananıñ osınau jaña körnekti twsı elorda twrğındarı men qonaqtarı jii keletin tağı bir köpşilik orınğa aynalatının ayttı.

– Bwl monument milliondağan meymandar keletin «EKSPO-2017» halıqaralıq mamandandırılğan körmesi aumağında ornalasuımen de erekşelenedi, – dedi Nwrswltan Nazarbaev.

Sonday-aq, Memleket basşısı Täuelsiz Qazaqstannıñ qarqındı damuı barısında elorda röliniñ artıp kele jatqanın atap ötti.

– Keleşekte Astana tek bizderdi ğana emes, sonımen qatar bükil Euraziya kontinentin tañğaldırıp, ğılım men mädeniettiñ ordasına aynaladı. Halıq qolaylı äri jaylı qalada twratın boladı, – dedi Elbası.

Qazaqstan Prezidenti «Täuelsizdiktiñ 25 jıldığı» monumenti elimiz ben onıñ elordasına tartılğan sıy bolğanın aytıp, joba ideyası avtorlarına, säuletşiler men qwrılısşılarğa nısandı tabıstı ayaqtağanı üşin alğıs bildirdi.

Soñında Nwrswltan Nazarbaev barşa otandastarımızdı Täuelsizdik mereytoyımen qwttıqtap, baq-bereke jäne beybitşilik pen tatulıq tiledi.