AQŞ prezidenti Donal'd Tramp öziniñ AQŞ-qa keletin migranttar ağının tejeu josparı ayasında Siriyada bosqındarğa arnalğan “qauipsiz aymaq” qwrmaq niette ekenin mälimdedi. “Siriyada adamdarğa arnalğan qauipsiz aymaq qwram” dedi Tramp ABS News telearnasına bergen swhbatında. Ol Europa Odağınıñ (EO) negizinen Siriyadağı azamattıq soğıstan şıqqan bosqındar mäselesimen küresin saralap, osınday şeşim qabıldağanın aytı.

“Europa ol million adamnıñ Germaniya men basqa da elderge keluine rwqsat berip, ülken qatelik jasadı dep sanaymın” dedi Tramp swhbatında.

AQŞ prezidenti Ciriyada “qauipsizdik aymağın” qwrudı “mwsılman elderinen şıqqan bosqındar men basqa da immigranttardan tönetin terrorizm qaupine” qarsı twru täsilderiniñ biri dep biletinin ayttı. Amerikalıq BAQ Tramp aytqan “qauipsizdik aymağı” turalı ökim migraciyalıq sayasattı küşeytu turalı özge de jarlıqtarmen birge şığuı mümkin deydi. Tramp keşe Siriyadan keletin bosqındardı tejeu jäne Siriya, Irak, Iran jäne basqa da mwsılman elderinen şıqqandarğa viza berudi toqtatatın jarlıqtar şığarğan.

Reuters agenttigi “qauipsizdik aymağı” turalı jarlıqtıñ jobasın körgenin habarlaydı. Jobada memlekettik departament pen Pentagon 90 kün işinde Siriya men oğan territoriyada elin tastap, qaqtığıstıñ toqtauın nemese üşinşi elge auısudı kütip jatqan siriyalıqtar “qauipsizdik aymağın” qwru jobasın dayındauı qajet delingen.

AQŞ-tıñ bwrınğı prezidenti Barak Obama mwnday şaralarğa AQŞ-tıñ Siriyadağı soğısqa bwrınğıdan da kiliktiredi jäne Siriyada äue şabuılın jürgizip jatqan Resey äskerilerimen qaqtığısqa wrındıruı mümkin degen qauippen qarsılıq tanıtqan.

Tramp eger josparlanğan territoriyada “qauipsizdik aymağın” qwruğa şeşim qabıldasa Obama oylağanday kikiljiñ tuuı mümkin. Bwdan özge, “qauipsizdik aymağındağı” azamattardı qorğau üşin äsker kirgizu qajet boladı. Bwl – Siriyadağı dağdarısqa kiligudiñ qarjılıq twrğıdan da, adam resursı twrğısınan da şığının arttıradı.