2016 jılı 16 mıñ 417 otbası nemese 33 mıñ 754 etnikalıq qazaq tarihi Otanına qayta oralıp, oralman märtebesin aldı.

Qazaqstanğa kelgen oralmandardıñ köpşiligi, yağni, 65,5% – Özbekstannan kelgen. Sonday-aq, 24,9% – Qıtaydan, 3,2% – Türikmenstannan, 2,7% – Moñğoliyadan, 3,7% – özge elderden oralğan qandastarımız.

Olardıñ basım böligi, yağni 33,9% – Oñtüstik Qazaqstan oblısına, 25,4% – Almatı oblısına, 10,6% – Mañğıstau oblısına, 5,8% – Jambıl oblısına, 24,3% – elimizdiñ özge öñirlerine qonıstandı.

Elge oralğan qandastarımızdıñ 65,4% – eñbekke qabiletti jasta bolsa, 16 jasqa deyingileri – 28,6%, zeynetkerler – 6% qwraydı.

Eñbekke jaramdı etnikalıq qazaqtardıñ 10,8%-nıñ joğarğı bilimi bar bolsa,                  20,3%-ında orta arnaulı bilim bar, 65% – jalpı orta bilimi bar azamattar, al 3,9%-nıñ bilimi joq.

Esteriñizge sala keteyik, «Keybir zañnamalıq aktilerge halıqtıñ köşi-qonı jäne jwmıspen qamtıluı mäseleleri boyınşa özgerister men tolıqtırular engizu turalı» QR Zañında etnikalıq qazaqtardı tarihi otanına oraluın ıñtalandıru maqsatında:

- etnikalıq qazaqtarğa qonıstanu öñirine qaramastan oralman märtebesin beru. Olarğa şeteldik azamattarğa qarağanda köşi-qon policiyasına habarlasu arqılı tölem qabiletin rastausız uaqıtşa twru ıqtiyarhatın alu mümkindigi beriledi;

- etnikalıq qazaqtarğa Ükimet belgilegen öñirlerge qonıstanğan jağdayda äleumettik paket beru. Sonday-aq, elimizdiñ kez kelgen öñirinen Ükimet ayqındağan ekinşi öñirge qonıstanğan oralmannıñ äleumettik qoldaudı aluğa mümkindigi boladı. Eger olar qonıstanğan öñirden 5 jıl merzimnen bwrın qonıs audarıp ketetin bolsa, alğan kömekterin Ükimetke qaytaru mindetteri qarastırılğan.

- oralmandarğa Qazaqstan Respublikasınıñ azamattığın beru merzimin uaqıtşa twru ıqtiyarhatın alğannan keyin 1 jılğa deyin qısqartu közdeledi.

QR Eñbek jäne halıqtı äleumettik qorğau ministrliginiñ baspasöz qızmeti