Wlıbritaniya prem'er-ministri Tereza Mey 26 qañtarda AQŞ-qa saparı barısında respublikaşıldardıñ partiyalıq konferenciyasında Batıs elderiniñ Reseymen qarım-qatınası “ıntımaqtasu, biraq saqtanu” formulasında tüzilui tiis ekenin mälimdedi.

“Bwl – Ronal'd Reygannıñ “Senim bildir, biraq tekser” degen wranın basqaşa sözben jetkizu. Reygannıñ Reseyge qatıstı sayasatı osı sözdiñ şeñberinde jürgizildi” dedi Mey. Onıñ sözine qarağanda, “Reseymen qayşılıqqa kelmeu jäne qırği-qabaq soğısı kezeñine qayta oralmau müldem mümkin emes”, biraq Mäskeumen dialogtı täjikelesuden göri ıntımaqtasuğa beyim twratınday etip jürgizu qajet.

Wlyabritaniya jetekşisi sonımen qatar britan-amerika baylanısın nığaytu qajetin de ayttı. Biraq ol älemdik tärtipti qayta tüzu üşin şetelderde birlese äskeri operaciyalar jürgizu däuiri kelmeske ketkenin jetkizdi.

“Biraq bwl biz batıl äskeri qadam jasaudı talap etetin şınayı qauip-qaterdiñ aldında äreketsiz bolamız degendi bildirmeydi” dedi Mey.

Tereza Mey men Donal'd Tramp kelissözi bügin boladı. Mey – Tramptıñ prezident retinde kezdesetin alğaşqı memleket basşısı.

Mey qaraşadağı prezident saylauında respublikaşıl kandidattıñ jeñiske jetkenine köñili tolatının bildirdi. “Men üşin osında bügin, Amerikanıñ qayta tüleuiniñ basında sizdermen birge bolu ülken märtebe” dedi Mey respublikaşıldardıñ basşılığına qarata.

Tereza Mey Tramp äkimşiligin Iranmen yadrolıq kelisimnen şıqpauğa, Reseymen körşiles elderdi qorğauğa jäne halıqaralıq wyımdardı, onıñ işinde NATO, Düniejüzilik bank pen Halıqaralıq valyuta qorın qoldauğa şaqırdı.

Azat Europa / Azattıq radiosı