Wlılardıñ qadırın keş bilemiz
Ş. Bökeev «Wlı» degen osı bir wş-aq äripten Twratın söz kündelikti ömirde, auız jüzinde aytuğa öte oñay bolğanımen, ämälyat barısında, qadırın tüsinetin adamdar jonınen alğanda öte bir salmaqpen, sabırmen, saqtıqpen, tañdap, talğap, ekşep qoldanılatın qwndı söz ekendigin ekiniñ biri bağamday bermes kerek. Öytkeni wlı bolu degenimiz-jay ğana bir adamnıñ balası bolu ğana emes, bükil halıqtıñ qadırlegen, qwrmettegen, töbesine älpeştep kötergen, äri sol qadr-qwrmetke ılayıq adamdarğa ğana ekşep qoldanatın erekşe salmağı auır söz. Dünie jaralğalı tarihta qanşama wlı batırlar, wlı wstazdar, wlı ğalımdar, wlı aqındar, wlı handar, wlı payğambarlar ötti. Olardıñ wlılığı qazirge deyin tarih betinen öşpey bizdiñ zamanğa jetip otır. Keyde sol wlılıqtıñ uaqtında bağalanbay talasqa tüsip jatatın kezderi de boladı.
