Украинаның арнайы қызметі операцияны жүзеге асыруға бір жарым жыл бойы дайындалыпты. Операция барысын Украина президенті Владимир Зеленскийдің өзі бақылаған, ал оның орындалуын СБУ басшысы Василий Малюк пен арнайы жасақтардың үйлестірілген ұжымы атқарған.

Украина тарабы алдымен FPV-дрондарды Ресейге контрабандалық жолмен жеткізеді. Артынша – ағаштан жасалған шағын үйлер жібереді. Дрондар сол үйлердің шатырының астына тығылған. Кейін бұл үйлер жүк көліктерге тиеліп, Ресейдің ішкі аумақтарына жеткізіледі. Дәл сәт туғанда, шатыры қашықтан ашылып, дрондар көкке көтеріледі де, стратегиялық бомбалаушы әуе техникасына дәл соққы берген. Мұнда басты қару – ұшу емес, ойлау қабілетінің шырқау шегін байқауға болады.

Соққы төрт бірдей ресейлік әскери әуежайда ұйымдастырылған. Олар – “Белая”, “Дягилево”, “Оленья”, және “Иваново”. Аталған нысандар – Ресейдің стратегиялық авиациясының тірек нүктелері екені баршаға мәлім. Мұнда ядролық немесе қашықтан басқарылатын бомбаларды тасымалдайтын ұшақтар орналасқан.

Clash Report деректеріне сүйенсек, Ресей әскери әуежайларының қауіпсіздігі – абсолюттік нөл деңгейінне түскен. Бірнеше миллиард доллар тұратын әскери ұшақтар ангарсыз, қарулы күзетсіз, аэродромда қаңтарылып тұрған ғой. Бұл – Кремльдің әскери басқару жүйесіндегі институционалды деградацияның анық көрінісі.

Бұл шабуылан экономикалық тиімділік коэффициенті рекордтық деңгейген жеткенін байқаймыз. Бір дрон – 600 доллар. Бір Ту-95МС – 100 миллион доллар. Украина бір соққыда онжылдықтар бойы жиналған кеңестік-ресейлік авиация қорының талқанын шығарды.

Әлем елдері енді Ту-95 пен С-300 жүйелеріне емес, FPV-дрон мен цифрлық басқару алгоритмдеріне инвестиция салады. СБУ бұл тұрғыда қорғаныс құрылымынан емес, жаңа буын әскери-инновациялық лабораториясынан шыққандай әрекет етті.