Осы уақытқа дейін құпия сақталып келген 106-қазақ атты әскер дивизиясының деректері енді белгілі бола бастады. 1942 жылы дивизия Ақмолада жасақталыпты. Әскери шала дайындықпен жасақталған дивизия 1942 жылдың мамырында, Харьков түбіндегі қоршауды бұзып шығуға бұйрық берер алдында, 4091 сарбазға 71мылтық, яғни 7 адамға бір мылтық және бәріне 3100 жарылғыш оқ –дәрі бәріліпті. Қазақ боздақтарын қарусыз жалаң қылышпен өлімге жұмсауы – «Гитлермен салыстырғанда Сталин солдаттарды өлімге 8 есе көп жұмсадының» айғағы (Михаил Гареев, Әскери академиядан.2005 жыл).

“Төртінші билік» газетінің 2016 – жылғы мамырдың 28-жұлдызындағы санында шетелдік архивтерден алынған видеосюжеттегі 106-атты әскер дивизиясы жөніндегі неміс офицерінің айтқаны: «Не деген қырғыз (қазақ) деген жан кешті батыр халық, атқа мініп, ажалға қаймықпай жалаң қылышпен танктерге қарсы шабуылға шыққанын көзіміз көрді. Таудың тасындай терілген өңшең өжет жігіттердің ерлігіне таңқалдық. Соғыстың аты соғыс, қарша бораған біздің танктердің оғынан астындағы аттарымен түгелдей жер құшты депті”.Ұсыныс: Соғыста 106-дивизияның атты әскеріне Астанада зәулім ескерткіш қойдырып, сарбаздардың аттары түгел жазылып, қазақ халқының өшпес өжеттігінң айғағындай зәулім ескерткіш орнатылсын! Қаза болғандардың аруағы ырза болсын!.

106-дивизияның іздестіру көздері:

1).http://multisport.kh.ua/ Барвенковский котел:

2).Совет Генералов РК – сайт http//пантеон.kz

3).ЦАМО (центральный архив министерства обороны)

4).http://forum.vgd.ru/112/28499/

5).Қалалық, аудандық, облыстық, республикалық ардагерлер кеңестері мәліметтері.

Негізгі дерек көздер Дат газетінің 22/05/2025 жылғы санында, Харьков қаласының тұрғыны, қазіргі Украин-Ресей соғысының зардаптарын тартып жүрген қазақ қызы Макка Қаражанованың оншақты жылдан бергі 106-қазақ атты әскері дивизиясы сарбаздарын іздестірулерінің нәтижесін жорналшы Дидар Қайрат «Кеңес Одағы ажал аузына тастаған қазақтың атты әскері» мақаласында жазыпты (тақырып айдары: 2-ДЖС).

P.S. 31амыр күні соғыста қаза болғандарға құран бағыштауды ұмытпайық.