2010 جىلدىڭ سوڭىندا شاكارىم اتىنداعى سەمەي مەملەكەتتىك ۋنيۆەرسيتەتىن باسقارىپ جۇرگەن تۇستا سىدىقوۆ نازارباەۆتىڭ پرەزيدەنتتىك وكىلەتتىگىن 2020 جىلعا دەيىن ۇزارتايىق دەپ باستاما كوتەرگەن بولاتىن. باستاما كوتەرىپ قانا قويماي، جۇرتتى رەفەرەندۋم وتكىزۋگە ۇگىتتەدى، ول ءۇشىن 314 مىڭنان استام قول دا جينادى.

ارينە، رەفەرەندۋم ەلدە وتكەن جوق. ەلباسى بۇل باستامادان باس تارتىپ، 2011 جىلى پرەزيدەنتتىك سايلاۋ وتكىزدى جانە 95,5% داۋىسپەن جەڭىپ شىقتى. بىراق، سىدىقوۆتىڭ ەڭبەگى ەش كەتپەسىن دەدى مە، ونى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنە رەكتور ەتىپ ءوزى تاعايىندادى.

مىنە، كەشە بۇكىل ازاماتتىق قوعام ءبىلىم جانە عىلىم ءمينيسترى ەرلان ساعاديەۆتىڭ وتستاۆكاعا كەتۋىن تالاپ ەتىپ جاتقاندا، ەرلان سىدىقوۆ پەزيدەنتكە كىرىپ شىقتى. ءيا، رەسمي اقپارات كوزدەرىندە ونىڭ وتكەن جىلعا ەسەپ بەرىپ، قازىرگى جۇمىس بارىسى تۋرالى ايتقانى جازىلۋدا. دەگەنمەن، اقورداعا جاقىن “كىسىلەردىڭ” ايتۋىنشا، مەملەكەت باسشىسى ءبىر ەرلان مەن ەكىنشى ەرلاننىڭ ورىندارىن الماستىرۋى مۇمكىن.

بۇل ارينە، ساياسي بولجام عانا. ويتكەنى، ءدال قازىر اكادەميكتەر، پەداگوگتار، قوعام بەلسەندىلەرى، كەيبىر قايراتكەرلەر ەرلان ساعاديەۆتىڭ ءبىلىم سالاسىنا ەنگىزىپ جاتقان رەفورمالارىنا تۇبەگەيلى قارسىلىق تانىتۋدا. قارسىلىق تانىتىپ قانا قويماي، ءمينيستردىڭ وتستاۆكاعا كەتۋىن تالاپ ەتىپ وتىر. ال، مۇنداي ساتتە ساياسي بولجامنىڭ جاسالۋى زاڭدىلىق.

ەگەر ساعاديەۆ وتستاۆكاعا كەتسە ءمينيستردىڭ كرەسلوسىنا اكادەميك اسقار جۇمادىلداەۆ وتىرسا ەكەن دەپ نيەت بىلدىرۋشىلەر دە از ەمەس. دەگەنمەن، كىمدى مينيستر ەتىپ تاعايىنداۋدى حالىق ەمەس، پرەزيدەنتتىڭ ءوزى شەشەتىنى بەلگىلى. سوندىقتان، الداعى ۋاقىتتا ەۇۋ رەكتورى ەرلان سىدىقوۆ مينيستر بوپ جاتسا وعان دا تاڭ قالماڭىز. حالىق اراسىنان 314 مىڭ قول جيناي الساڭىز ءسىز دە ءبىر جەردى “تەسىپ شىعارىڭىز” انىق.

Skifnews.kz