2010 jıldıñ soñında Şäkärim atındağı Semey memlekettik universitetin basqarıp jürgen twsta Sıdıqov Nazarbaevtıñ prezidenttik ökilettigin 2020 jılğa deyin wzartayıq dep bastama kötergen bolatın. Bastama köterip qana qoymay, jwrttı referendum ötkizuge ügittedi, ol üşin 314 mıñnan astam qol da jinadı.

Ärine, referendum elde ötken joq. Elbası bwl bastamadan bas tartıp, 2011 jılı prezidenttik saylau ötkizdi jäne 95,5% dauıspen jeñip şıqtı. Biraq, Sıdıqovtıñ eñbegi eş ketpesin dedi me, onı L.Gumilev atındağı Euraziya Wlttıq universitetine rektor etip özi tağayındadı.

Mine, keşe bükil azamattıq qoğam Bilim jäne ğılım ministri Erlan Sağadievtiñ otstavkağa ketuin talap etip jatqanda, Erlan Sıdıqov Pezidentke kirip şıqtı. Iä, resmi aqparat közderinde onıñ ötken jılğa esep berip, qazirgi jwmıs barısı turalı aytqanı jazıluda. Degenmen, Aqordağa jaqın “kisilerdiñ” aytuınşa, Memleket basşısı bir Erlan men ekinşi Erlannıñ orındarın almastıruı mümkin.

Bwl ärine, sayasi boljam ğana. Öytkeni, däl qazir akademikter, pedagogtar, qoğam belsendileri, keybir qayratkerler Erlan Sağadievtiñ bilim salasına engizip jatqan reformalarına tübegeyli qarsılıq tanıtuda. Qarsılıq tanıtıp qana qoymay, ministrdiñ otstavkağa ketuin talap etip otır. Al, mwnday sätte sayasi boljamnıñ jasaluı zañdılıq.

Eger Sağadiev otstavkağa ketse ministrdiñ kreslosına akademik Asqar Jwmadildaev otırsa eken dep niet bildiruşiler de az emes. Degenmen, kimdi ministr etip tağayındaudı halıq emes, Prezidenttiñ özi şeşetini belgili. Sondıqtan, aldağı uaqıtta EWU rektorı Erlan Sıdıqov ministr bop jatsa oğan da tañ qalmañız. Halıq arasınan 314 mıñ qol jinay alsañız siz de bir jerdi “tesip şığarıñız” anıq.

Skifnews.kz