1905 جىلعى قازاق اۋەندەرىنىڭ تاسپاسى بەرليندە تابىلدى
kerey.kz
قازاقپارات – العاشقى قازاق مۋزىكاسىنىڭ بىرەگەي جيناعى گەرمانيادان قازاقستانعا قايتارىلدى، دەپ حابارلايدى mir24.tv.
قازاق مۋزىكاسى ەڭ العاش رەت 1925 جىلى فرانتسيادا جازىلعان دەپ ايتىلىپ كەلگەن ەدى. الايدا، بەرليندەگى مۇراعاتتا بۇدان ارىدەگى، ياعني 1905 جىلعى اۋديوترەك تابىلدى. ونى نەمىس عالىمى ريحارد كارۋتتس فونوگراف پەن بالاۋىز ۆاليكتىڭ كومەگىمەن جاساعان.
«دىبىستاردى تىڭداپ كورسەڭىز، كەرەمەت اسەرگە بولەنەسىز. كوز الدىڭىزعا بۇل تاسپالاردىڭ اۋىر ەڭبەكپەن كەلگەنىن ەلەستەتىڭىز. بۇل اۋەندەردىڭ بىزدە ساقتالعاندىعى جانە ونى تاڭداي الاتىنىمىز، مەن ءۇشىن تاڭقالارلىق جاعداي»، – دەدى ءۆيزۋالددى انتروپولوگيا جانە ەتنولوگيا مۇراجايىنداعى ريحارد كارۋتتس جيناقتارىنىڭ كۋراتورى ريحاردا كوپال.
ۆاليكتەردىڭ دىبىسىن ەڭ ءبىرىنشى بولىپ 2015 جىلى «مير» تەلەارناسىنىڭ كورەرمەندەرى «سوڭعى حاندى ىزدەستىرۋ» اتتى دەرەكتى فيلمدە ەستىگەن بولاتىن. سول كەزدە تۇركىتانۋشى ەفيم رەزۆان كارۋتتس تاسپالارىنىڭ كوشىرمەسىمەن بولىسكەن. جۇزدەگەن جىل وتكەننەن كەيىن 16 اۋديوتاسپادان تۇراتىن جيناقتىڭ ساندىق نۇسقاسىن الماتىعا جەتكىزدى. ەندى بۇل دىبىستاردى قازاقستاندىق ساراپشىلار زەرتتەيدى.
قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى ساۋلە وتەعاليەۆا: «ول تەك جۇمىستى تاپسىرىپ قانا قويماي، زەرتتەۋشى رەتىندە وزىنە ءتۇسىرىپ العان. ول تەك قازاقتاردى جازباعان. سونىمەن قاتار، تۇركىمەندەردى دە تۇسىرگەن»، – دەپ اتاپ ءوتتى.
inform.kz
پىكىر قالدىرۋ