نازارباەۆ ەندى اپوستروفتى ءالىپبيدىڭ جاڭا نۇسقاسىن بەكىتتى
kerey.kz
قازاقستان پرەزيدەنتى نۇرسۇلتان نازارباەۆ لاتىن گرافيكاسىنا نەگىزدەلگەن قازاق ءتىلى ءالىپبيىنىڭ كەزەكتى رەت جاڭا نۇسقاسىن بەكىتتى. اقوردا ءباسپاسوز قىزمەتىنىڭ 20 اقپان كۇنى حابارلاۋىنشا، نازارباەۆ 19 اقپاندا 2017 جىلدىڭ 26 قازانىندا شىعارعان «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» جارلىعىنا وزگەرىس ەنگىزۋ تۋرالى قاۋلى قابىلداعان.
ول قاۋلىدا بۇعان دەيىن بەكىتىلگەن لاتىن گرافيكاسىنا نەگىزدەلگەن قازاق الىپبيىنە ازداعان وزگەرىس ەنگىزىلگەن. بۇعان دەيىنگى نۇسقا بويىنشا، قازاق تىلىنە ءتان كەيبىر دىبىستار جانە تاعى بىرنەشە ءارىپ اپاستروفپەن (دايەكشە) بەلگىلەنگەن ەدى. سوڭعى نۇسقاداعى ءالىپبي دە نەگىزىنەن اپوستروفتى الىپبيگە ۇقساس بولعانىمەن، بىرەر دىبىس قانا وزگەشە بەلگىلەنگەن.
قازاقستان پرەزيدەنتى نۇرسۇلتان نازارباەۆ بىلتىر جىل باسىندا جاساعان مالىمدەمەسىندە «2017 جىلدىڭ سوڭىنا دەيىن لاتىنشا قازاق ءالىپبيىنىڭ جوباسىن ازىرلەۋ، ۇكىمەتكە قازاق ءتىلىن لاتىن الىپبيىنە كوشىرۋدىڭ» ناقتى كەستەسىن جاساۋدى تاپسىرعان ەدى.
بىلتىر قىركۇيەك ايىندا قازاقستان پارلامەنتىندە لاتىن ءالىپبيىنىڭ ديگرافتى (قوسارلانعان ارىپتەر – رەد.) نۇسقاسى تانىستىرىلىپ، ول جاپپاي سىنعا ۇشىراعان ەدى.
وقي وتىرىڭىز: ديگرافتى لاتىنشا ءالىپبيدى سىناۋ كۇشەيدى
بيلىك ودان باس تارتىپ، ءبىر ايدان سوڭ ءالىپبيدىڭ باسقا نۇسقاسى بەكىتىلگەن. 2017 جىلى قازاننىڭ 27-ءسى كۇنى قازاقستان پرەزيدەنتى نۇرسۇلتان نازارباەۆتىڭ جارلىعىمەن بەكىتىلگەن الىپبيدە قازاق تىلىنە ءتان كەي دىبىستاردى اپوستروف (دايەكشە) ارقىلى بەلگىلەۋ ۇسىنىلعان.
اپوستروفتى لاتىن ءالىپبيى قوعامدا قىزۋ تالقىلانىپ، ارقيلى رەاكتسيا تۋعىزعان. كەيبىر ءتىل ماماندارى جاڭا ءالىپبيدى اسىعىس قابىلداندى دەگەن دە پىكىر بىلدىرگەن.
وقي وتىرىڭىز: ساراپشىلار ءالىپبيدى قولداۋدى «رەسمي دۇرمەككە» بالاۋعا بەيىل
ازات ەۋروپا / ازاتتىق راديوسى
1 پىكىر
Galiý Baýsymaq
Memleket bekitken álippiýdi qoldagan jón. Bunyñ bári túsingen adamga óte úlken iýgilikti is. Ulttyñ keleshegine jasalyp jatqan sharua bolyp otyr. Latynga cóshiu bizge óte úlken tiýimdilik paýda ákeledi. Ulttyq til óz qalpyna ornasady. Jeke dara táuelsiz ómir súrip tabiýgiý damiý beretin bolady. Endi orus tiliniñ basymdygy yqpaly birtindep azaýa túsiuge tiýisti dep oýlaýmyn. Ýagniý bir ultty tutas elge aýnaluvga úlken múmkindik tuvyp tur degen sóz. Osyny iske asyriu jolynda cóp eñbek siñirer bolsaq keleshek urpaq aldynda iýgilikti is jasaganymyz bolyp tabylady. Tarih aldynda altyn árippen jazylgan oqiýga bolgaly otyr. Osy iske barshamyz at salysyp cómek córsetkenimiz jón. Bul Latynga cóshiu reformasy ulttyñ tarihinda asa mañyzdy oryn alatyn reforma dese artyq aýtqandyq emes. Bul tañdau joly bizdi máñgilik elge aýbaldyriuga tiýisti. Jaziu arqyly biz álemdik órkeniýette óz ornymyzdy saqtap qalamyz. Jaziui bar tili bar ult jogalmaýdi degen qagiýda bar. Osy latyn graficasi negizinde jaziu myñ jylga tipti odan da cóp zamannga cósh bastauimizga aparary haq.