سوزبەن سۋرەت سالۋ دا وسىنداي نارسە. كوركەم ادەبيەت وقىپ، كلاسسيكتەردىڭ قولتاڭباسىن ايىراتىنداي دەڭگەيگە جەتپەي تۇرىپ، مولدىرەگەن پۋبليتسيستيكالىق جانردى يگەرمەي تۇرىپ، سويلەمدەردى ويدىڭ كەڭ ارناسىمەن سەلدەتە اعىزباي تۇرىپ، ءسوزدىڭ مايەگىن ىشپەي تۇرىپ، ءسوز قورىن مولايتپاي تۇرىپ، فرازەولوگيالىق تىركەستەر مەن كومەكشى ەتىستىكتەردىڭ ءھام اناليتيكالىق فورمانتتاردىڭ قولدانۋ ەرەكشەلىكتەرىن، رەڭكتەرى مەن قيسىنىن سەزىنبەي تۇرىپ، ساياسي پروتسەستەردىڭ سيپاتىن، ازاماتتىق قوعامنىڭ كوڭىل-كۇيىن، الەۋمەتتىك-ەكونوميكالىق ءومىردىڭ تىنىسىن تانىماي تۇرىپ كلاسسيكالىق رەپورتاج جازا قويام دەۋ – تىم جامان تىراشتانۋ. بىلايشا ايتقاندا ارالاس قۇرمالاس سويلەمدى كۇردەلى ءماتىنى وڭاي وقىلاتىن دەڭگەيگە جەتكەن اۆتور عانا جۇتىنىپ تۇرعان جاي سويلەمدى قاراپايىم ءماتىن جازا الادى.

بۇل زاڭدى بەلىنەن باسقىسى كەلىپ تۇراتىن تىراش ءجۋرناليستى پيكاسسونىڭ 11 سىزباسىنىڭ 10-ىن ەلەمەي تەك سوڭعى سيمۆوليزمىنە ۇمتىلىپ، “سونى كوشىرىپ سالسام، ساۋاتسىزدىعىم بىلىنبەي قالادى عوي” دەپ دامەلەنەتىن دارىنسىز سۋرەتشىگە ۇقساتام. البەتتە، جاڭالىق جانرىنداعى اقپارات ءتىلىنىڭ شابلوندارىن تاسالانىپ، كلاسسيكالىق سكەتچتىڭ شتريحتارىن ماڭگى كوشىرىپ وتۋگە بولادى. بىراق الگى سىزبا ساۋاتسىز قولدان شىققان سەبەپتى تۇپنۇسقاسىنا تارتپاعان كۇيى جاس بالانىڭ شاتپاعى بولىپ قالا بەرەدى.

عالىم بوقاشتىڭ facebook پاراقشاسىنان الىندى