ءبارى جاقسى دەگەنمەن بارى اقساۋدا
kerey.kz
2018 جىلى ەلىمىزدەگى ءۇش بىردەي ءموز جاڭالاندىرۋدان ءوتىپ، تولىق جاڭعىردى دەپ
جاريالاندى. ەندى ولار ەلىمىزدى مۇناي ونىمدەرىمەن تولىقتاي قامتاماسىز ەتەتىن بولدى دەپ
بوركىمىزدى اسپانعا اتتىق. رەسمي دەرەكتەر ىشكى رىنوگىمىز بەنزينمەن -93,2.، ديزەلدى
وتىنمەن -91,1پايىزعا وتاندىق ونىممەن قامتاماسىز ەتىلەدى دەپ جاريالادى. ەنەرگەتيكا
مينيسترلىگى ءتىپتى رەسەيدەن ساتىپ الىناتىن ديزەلدى وتىن كولەمى 40 مىڭ تونناعا دەيىن
ازايىپ، ال اۆياتسيالىق كەروسين مۇلدە الىنبايتىنىن دا ايتىپ قۋانتتى.
وسىنداي قۋانىشتى حابارلار بولىپ جاتقانىمەن ونىڭ ىشكى سىرلارى باسقا بولىپ
شىقتى. ونى ماجىلىستەگى «حالىقتىق كوممۋنيستەر» فراكتسياسى اشىپ وتىر. فراكتسيا
جەتەكشىسى ايقىن قوڭىروۆ اۆتو وتىن ءوندىرىسى وسىلاي ارتتى دەپ جاقسى حابار
تاراتقانىمىزبەن جازدىق ديزەلدى وتىننىڭ باعاسى 21.9%، ال قىستىق ديزەلدى وتىننىڭ
باعاسى 26.2% ارتقانىن ايتادى. ىشكى رىنوكتىڭ سۇرانىسى تولىق وتەلىپ جاتسا وتىننىڭ
باعاسى دا تۇراقتى بولۋى كەرەك ەدى عوي. حالىق تۇتىناتىن بارلىق تاۋارلار نەگىزىنەن
وسىنداي وتىن جاعاتىن اۆتوكولىكتەرمەن تاسىمالدانادى. ال ونىڭ باعاسى قولدان ءوسىرىلىپ
وتىر. ەندى وتىن باعاسى وسكەن سوڭ تاريفتەر دە ارتىپ، باعانىڭ ءوسىمى بىردەن 31,8%-عا
جەتتى، دەيدى ول. شىنىندا، ناعىز پارادوكس دەيتىن جاعداي.
ا.قوڭىروۆ ءوزىنىڭ جاڭا پرەمەر-مينيستر ا.مامينگە جاساعان دەپۋتاتتىق
ساۋالىندا وسى ماسەلەگە نازار اۋدارىپ، ديزەلدى وتىنعا سالىناتىن اكتسيزدى تومەندەتۋدى
جانە ونىڭ سىرتقا تاسىمالدانۋىنا باقىلاۋ جاساۋدى ۇسىندى. ۇكىمەتتىڭ جاڭا
باسشىسىنىڭ قولىنان حالىققا جاقسىلىق جاساۋ كەلۋ-كەلمەۋى وسىندايدان كورىنەدى. ەگەر
ول ديزەلدى وتىننىڭ باعاسىن تۇسىرە السا، تاۋارلاردىڭ وزىندىك قۇنى دا ازايىپ، بارلىق
باعا دا ءتۇسۋى مۇمكىن…
س.ەلەۋ، ساراپشى
kerey.kz
پىكىر قالدىرۋ