كولىك جۇرگىزەتىن ايەلدەر
kerey.kz
ايەلدەر ءبارىن دە جاساي الادى
QNET كومپانياسىنىڭ كەڭسەسى 10 جىلدان بەرى قازاقستاندا جۇمىس ىستەپ كەلەدى. QNET كومپانياسى قايىرىمدىلىق كورسەتۋمەن، ونىڭ ىشىندە ەكولوگيا سالاسىندا كومەك كورسەتۋمەن بەلسەندى اينالىسادى. وسى جىلى QNET كومانداسى Recycle Birge ەكو-بەلسەندىلەرىمەن بىرگە الماتىداعى پارحاچ كولىنىڭ جاعاسىن قوقىستان تازارتتى. قالدىقتاردى جيناۋ مەن سۇرىپتاۋعا QNET تاريحىنداعى نازىك جاندىنىڭ ىشىندە العاشقى باس ديرەكتور مالۋ كالۋزا قاتىستى. مالۋ حانىم حاتشى قىزمەتىنەن رەسەپشنگە، ودان كورپوراتسيانىڭ باستىعى لاۋازىمىنا دەيىن قاجىرلى ەڭبەگىنىڭ ارقاسىندا كوتەرىلدى. كالۋزا حانىم جەتىستىككە جەتىپ، big boss اتانۋ قۇپياسىمەن بولىسەدى.
ءسىزدىڭ تاجىريبەڭىز بويىنشا تىكەلەي ساۋدادا جۇمىس ىستەيتىندەردىڭ قانشا پايىزى جەتىستىككە جەتەدى جانە مۇنداي ادامداردى نە بىرىكتىرەدى؟
ءبىزدىڭ بارلىق جەتەكشىلەرىمىز — بۇگىندە كومپانيا كوشباسشىسى بولىپ تابىلاتىن تاۋەلسىز وكىلدەر، وسى جولدا جەتىستىككە جەتۋ ءۇشىن ولار كوپتەگەن قيىندىقتاردان ءوتتى. ولار تابىستى بولسا، كومپانيا دا تابىستى بولادى. جەتىستىك تۋرالى تۇسىنىك ءار ادامدا ءارتۇرلى ەكەنىن ايتىپ ءوتۋ كەرەك. بۇل ءبىزدىڭ كاسىبىمىزدەن انىق كورىنەدى.
بىرەۋلەرگە جەتىستىك ءوزىنىڭ ايلىق شىعىندارى نەمەسە بالالارىن ۇزدىك مەكتەپكە جىبەرۋ ءۇشىن قوسىمشا 500 دوللار تابۋ بولسا، ەندى بىرەۋلەرىنە ءوزىنىڭ قارتايعان اتا-اناسىنا كومەكتەسۋ نەمەسە ۇيدە جوندەۋ جۇمىستارىن جاساۋ ماڭىزدى. سونداي-اق جاقسى كولىك يەسى بولعىسى كەلەتىندەر، بانكتە قوماقتى قاراجاتى بولعانىن قالايتىندار دا بار. سوندىقتان اركىمنىڭ ءوز جەتىستىگى بار. ءسىز وزىڭىزگە قايسىسى قاجەت ەكەنىن ءوزىڭىز شەشەسىز.
ءبىزدى جانە ءبىزدىڭ كوشباسشىلارىمىزدى بىرىكتىرەتىنى — ارمانىمىزدى ىسكە اسىرۋدا باتىلمىز، ولاردى ىسكە اسىرۋ ءۇشىن كەز كەلگەن ماقساتقا قول جەتكىزە الاتىنىمىزعا دەگەن سەنىم. ءبىزدىڭ كومپانيا – بۇل مىنەزدى قالىپتاستىراتىن بيزنەس.
تىكەلەي ساۋدادا كوبىسى ءبىرتالاي كەلەڭسىزدىكتەرگە تاپ بولادى. نەگە بۇلاي بولادى، مۇنداي جاعدايلاردى قالاي دۇرىستاۋ كەرەك جانە ودارعا قالاي جاۋاپ قاتۋ قاجەت؟
كەيبىرەۋلەر تىكەلەي ساۋدادا دۇرىس جۇمىس ىستەمەگەندىكتەن نەمەسە كومپانيا ساياساتىنا ءتيىستى قۇرمەت كورسەتپەي، وزىنشە ىستەگەندىگىنەن ءبىز وسىنداي كەلەڭسىزدىكتەرگە تاپ بولامىز. بۇل — تىكەلەي ساۋدامەن اينالىساتىن بارلىق كومپانيالاردا ورىن الىپ جاتاتىن قۇبىلىستاردىڭ ءبىرى. ءبىز بۇل ماسەلەنى جۇمىسىمىزدىڭ باسىندا-اق تۇسىنە باستادىق، اسىرەسە ءوزىمىز جۇمىس ىستەيتىن نارىقتاعى ماسەلەلەردى سەزىنە بىلدىك. بۇل ماسەلەنى شەشۋ ءۇشىن ءبىز ونلاين جانە وفلاين تارتىپتە قولجەتىمدى كوپتەگەن وقىتۋ باعدارلامالارى مەن سەرتيفيكاتتاۋ باعدارلامالارىن ىسكە قوستىق. سونىمەن بىرگە، ءبىز QNETPRO باعدارلاماسىنىڭ جۇمىسىن باستادىق، ونىڭ ماقساتى – تاۋەلسىز وكىلدەرگە تىكەلەي ساۋدا يندۋسترياسى، ءبىزدىڭ كومپانيا تۋرالى جانە تاۋارىمىزدى ءتيىمدى ساتۋ مەن بيزنەستى قۇرۋ جونىندەگى بارلىق قاجەتتى اقپاراتتاردى بەرۋ. بۇل جۇمىس قازىر جالعاسۋدا، ودان ءارى جالعاستىرا بەرەمىز، سەبەبى تەك دۇرىس جۇمىس ىستەگەندە عانا كوپ جەتىستىكتەرگە جەتەتىنىمىزگە سەنەمىز!
تىكەلەي ساۋدا — ايەلدەر ءۇشىن وڭتايلى شەشىم بە؟ نەلىكتەن؟
تىكەلەي ساۋدا ايەلدەر ءۇشىن قارجىلاي مۇمكىنشىلىك بەرىپ قانا قويماي، ولاردىڭ جەكە دامۋىنا، وسۋىنە دە ىقپال ەتەدى. سونىمەن قاتار، بۇل — ىڭعايلى جۇمىس كەستەسى بار قوسىمشا تابىس. QNET-تە مەن ايەلدەر بارلىق كۇندەلىكتى ماڭىزدى مىندەتتەر اراسىندا ۇيلەسىمدىلىككە قول جەتكىزسە، وزگەرىپ، مىقتى بولا باستاعاندارىن ءوز كوزىممەن كوردىم. بۇل — ءبىز ماقتان ەتەتىن جەتىستىكتەرىمىزدىڭ ءبىرى. ايەلدەر كۇندە تىكەلەي ساۋدا ءۇشىن قاجەت بارلىق قاسيەتتەرگە يە كوپتەگەن رولدەردى ورىندايدى. بىرەۋگە پايداڭدى تيگىزۋ نيەتى، ىنتالىلىعى، قارىم-قاتىناستا شىنايى بولۋ – بۇل وسى سالادا جەتىستىككە جەتكىزەتىن قاسيەتتەر.
كوپ ادامدار وزدەرىنە سەنىمسىز. ولاردىڭ بويىنا وزىنە دەگەن سەنىمدىلىكتى قالاي ۇيالاتۋ كەرەك؟
ءوزىڭىزدىڭ كۇشتى جاقتارىڭىزدى انىقتاپ الىڭىز، اينالاداعىلارعا شابىت بەرۋ ءۇشىن ولاردى تاجىريبەدە قولدانىڭىز. بۇنى تاباندى تۇردە، رەتتىلىكپەن ورىنداڭىز. ءوز كۇشىڭىزگە دەگەن سەنىمدىلىك ىسىڭىزدە ۇزدىك اتانعان سايىن ارتا بەرەدى. ەڭ الدىمەن، ءوزىڭىزدى قۇرمەتتەڭىز، كۇش-جىگەرىڭىز باسقالاردف شابىتتاندىرسىن، سوندا ءسىز شابىت سىيلاعان ادامىڭىزدىڭ ءسىزدىڭ بويىڭىزعا سەنىمدىلىك ۇيالاتىنىن تۇسىنەسىز.
ءوزىڭىزدىڭ ءالسىز تۇستارىڭىزدى دا ۇمىتپاڭىز. ونى مويىنداي ءبىلىڭىز دەگىم كەلەدى، بىراق مۇنىمەن توقتاپ قالماڭىز. ادامدارمەن اشىق بولىڭىز، وقىپ ۇيرەنىڭىز جانە ءبىر رەتتەن قولىڭىزدان كەلمەسە، قايتا-قايتا جاساي بەرىڭىز. كۇشىڭىزدى كورسەتە ءبىلدىڭىز بە، الدە وسال تۇستارىڭىزدى بايقاتتىڭىز با، ماڭىزدى ەمەس، ءسىز ءبارىبىر وقۋعا دايىن بولىپ، ۇزدىك اتانۋىڭىز قاجەت.
ارمانىڭىزدىڭ بولۋى اسا ماڭىزدى. ءسىز تاباندىلىقپەن جانە يگى ىستەرىڭىزبەن سول ارمانىڭىزعا جەتەتىنىڭىزگە سەنۋىڭىز قاجەت. بىرەۋ ءسىزدى مىقتى ەتەدى دەپ كۇتپەڭىز. ءسىز جەكە شەكاراڭىزدان ءوتىپ، ءوز ومىرىڭىزگە جاۋاپكەرشىلىكتى الۋ ءۇشىن مىقتى بولۋعا ءتيىسسىز.
قانداي جاعدايلاردا تىكەلەي ساۋدامەن اينالىسپاعان ءجون؟
ەڭ الدىمەن، ءسىز وزىڭىزدەن مىنا سۇراققا جاۋاپ الۋعا قاجەتسىز: مەن تىكەلەي ساۋدادان نە كۇتەمىن؟ سودان سوڭ سىزگە ماقساتىڭىزعا جەتۋ ءۇشىن ول قالاي كومەكتەسەتىنىن نەمەسە كەرىسىنشە، كەدەرگى كەلتىرەتىنىن انىقتاۋ كەرەك. وزىڭە قويىلاتىن كەلەسى سۇراق: ءوز بيزنەسىمدى باستاعاننان كەيىن بويىمنان قانداي وزگەرىستەردى تاپقىم كەلەدى؟
بۇدان باسقا، تىكەلەي ساۋدامەن كاسىبي تۇردە اينالىسقىسى كەلەتىندەر ءوز ءىسىن باستاماستان بۇرىن تولىقتاي ونىڭ نە ەكەنىن ءتۇسىنىپ الۋى ماڭىزدى. ەگەر ءسىز سەنىمسىز بولساڭىز، تاعى دا ويلانىپ، 100% بەلگىلى بولعاننان كەيىن كەلىسىم بەرۋىڭىزگە كەڭەس بەرەر ەدىم. ول ءۇشىن ءبىلىمىڭىز بەن ىنتا-جىگەرىڭىزدى پايدالانىڭىز.
ءسىز لاۋازىمىڭىزدى اۋىستىرىپ، ءبىلىمىڭىزدى ارتتىردىڭىز. جاڭا ءبىلىم الۋ جانە جەتىستىككە جەتۋ جولىندا ەڭ قىسقا ءارى ءتيىمدى جولدى اتاپ بەرە الاسىز با؟
اقپاراتتى قابىلداۋعا، وقىپ ۇيرەنۋگە ۇنەمى دايىن بولۋ، وزگەرىستەرگە وڭ كوزبەن قاراۋ، سەبەبى ەشكىم دە وزگەرىستەرگە كەرى قارىم-قاتىناس جاساۋ ارقىلى بيىككە كوتەرىلە المايدى. بارلىق ماسەلە قارىم-قاتىناس پەن يكەمدەلە بىلۋگە بايلانىستى. بۇل كوپتەگەن قاسيەتتەردەن تۇرادى: وزىڭە جايلى ايماقتان شىعا الۋ، قاۋىپ-قاتەرگە باس تىگۋ، جاۋاپكەرشىلىككە يە بولۋ جانە ءپوزيتيۆتى ويلاۋ. بۇنىڭ بارلىعى كۇردەلى، بىراق مىقتىلىق تانىتاتىندار جانە نە ىستەۋ كەرەكتىگىنە باسا نازار اۋدارا بىلەتىندەر ءۇشىن قولجەتىمدى. اۋقىمدى وزگەرىستەر جولىندا جاعىمسىز ويلار مەن ساتسىزدىكتەرگە بوي الدىرمايتىندار ءۇشىن. ءبىز تاجىريبە جيناقتاۋ ارقىلى ءبىلىم الىپ، دانالىققا يە بولامىز. ال قاتەلىكتەر ءبىزدى ەشقاشان مويىماۋعا، جەتىستىككە جەتۋگە جەتەلەيدى.
پىكىر قالدىرۋ