سۋرەتتەر سويلەيدى تاريح قازاق شەجىرەسى
قازاقتار گانسۋ، تسينحاي ولكەسىنە 19- عاسىردىڭ 80-90 جىلدارى قونىس اۋدارا باستاعان
kerey.kz
20- عاسىردىڭ 30- جىلدارى شىڭجاڭ ولكەسى التاي، ەرەنقابىرعا-بوعدا جانە باركول ءوڭىرىن مەكەندەگەن ءبىربولىم قازاقتار ساياسي قىسىمدارعا بايلانىستى اتامەكەندەرىن تاستاپ قىتايدىڭ گانسۋ، تسينحاي ولكەسىنە قونىس اۋدارعان ەدى. بۇل سۇگىرەت سول قازاقتاردىڭ مۇراعاتتا ساقتالعان تاريحي بەينەسى. 
ءبىرىنشى سۇگىرەت: 1938-جىلدىڭ 22- جەلتوقسانىندا تۇسىرىلگەن. سۇگىرەتتە، ەلىسقان ءالىپۇلى باستاعان كوش وتاماندارى (ليدەرى) تسينحاي ولكەسىنىڭ اتقامىنەرمەن جانە نان كين ۇكىمەتى اتىنان كەلگەن دەلەگاتتارىمەن ءجۇزدەسكەن كەزى.
وڭنان ءۇشىنشى ادام ەلىسقان ءالىپۇلى، وڭنان بەسىنشىسى نان كين دەلەگاتى جولبارىس ۋاڭ جانە وڭنان جەتىنشىسى نان كين دەلەگاتى ايسابەك (يسا يۋسۋف الىپتەكين). 
ەكىنشى سۇگىرەت، 1938- جىلى تسينحاي ولكەسىندە تۇسىرىلگەن. قازاقتاردىڭ تسينحاي باسشىلارىمەن كەزدەسۋ وتكىزگەن ءساتى.
ءۇشىنشى سۇگىرەت، 1941- جىلدىڭ قىركۇيەك ايىندا گانسۋ وڭىرىندە تۇسىرىلگەن. سۇگىرەت ورتاسىندا نان كين ۇكىمەتىنىڭ دەلەگاتى ايسابەك مىرزا بار. سۇگىرەتتە گانسۋ ولكەسىنىڭ جيۋ چۋان اۋدانىندا قالىپ قويعان ءبىربولىم قازاقتار جانە قازاقتارمەن كەزدەسۋ جاساعان ايماق باسشىلارى، نان كين ۇكىمەتىنىڭ دەلەگاتتارى تۇسىرىلگەن.
ءتورتىنشى سۇنىرەت ءۇشتىڭ جالعاسى. سۇگىرەتتە، نان كين دەلەگاتى ايسابەك مىرزا (+ بەلگىسى بار) جانە گانسۋ ولكەسىن مەكەندەگەن ءبىربولىم قازاقتاردىڭ بەينەسى تۇسىرىلگەن.
تاريحي دەرەكتەرگە سۇيەنسەك، قازاقتار گانسۋ، تسينحاي ولكەسىنە بۇدان 60-70 جىل بۇرىن قونىس اۋدارا باستاعان. ياعني، 19- عاسىردىڭ 80-90 جىلدارى التاي، باركول قازاقتارى جەر شالىپ قونىس ىزدەۋ ماقساتىمەن العاش بولىپ بۇل ولكەگە ىرگە تەپكەن. 20-عاسىردىڭ 30- جىلدارىنا كەلگەندە قونىس اۋدارۋشىلار سانى كۇرد ارتقان. ءتىپتى ۇزىن سانى 3000 تۇتىننەن اسىپ كەتكەن…
ەسكەرتۋ: سۇگىرەتتەر قىزىربەك قايراتۇللا اقساقالدىڭ كىتابى مەن جەكە مۇراعاتىنان الىندى.
پىكىر قالدىرۋ