قازاقستان رەسپۋبليكاسىنىڭ پرەزيدەنتى ق. ك. توقاەۆ مىرزاعا
kerey.kz
قازاقستان رەسپۋبليكاسىنىڭ پرەزيدەنتى ق. ك. توقاەۆ مىرزاعا
قۇرمەتتى قاسىم-جومارت كەمەلۇلى!
وزىڭىزگە ءمالىم، ەلدىڭ كينو قاۋىمداستىعىندا جىككە بولىنۋشىلىك بولىپ جاتىر. ءبىر جىلدان بەرى
داۋ-داماي مەن تەكەتىرەستەر باسىلماي كەلەدى.
كاسىبي كينوگەرلەر داۋ-دامايدان ارىلماي وتىر. ناعىز شىعارماشىلىققا ورىن قالمادى. ءبىز
مۇنىڭ ءبارى وسى سالا مينيسترلىگىنىڭ ويلانباي جاساعان ارەكەتتەرىنىڭ سالدارى دەپ سانايمىز.
2019 جىلدىڭ ناۋرىزىندا، "ۇلتتىق كينونى قولداۋ مەملەكەتتىك ورتالىعى" كاق قۇرىلىپ، وعان
رەسپۋبليكالىق كينو ءوندىرىسىنىڭ بارلىق نەگىزگى ماسەلەلەرىن شەشۋ قۇزىرى بەرىلدى.
اقىرىندا "قازاقفيلم" ۇلتتىق كينوستۋدياسىنا قاجەتتى نازار اۋدارىلماي قالدى، ال سىبايلاس
جەمقورلىقپەن كۇرەس اگەنتتىگى ۇلتتىق كينونى قولداۋ ورتالىعىنىڭ جەتەكشىلەرىنە قارسى
قىلمىستىق ءىس قوزعادى. ونىڭ قالاي اياقتالاتىنى ازىرگە بەلگىسىز، تەرگەۋ جالعاسىپ جاتىر. دەسە دە
وسىنىڭ ءوزى ناعىز سوراقىلىق بولىپ وتىر.
"قازاقفيلم" ۇلتتىق كينوستۋدياسىنا كەلەر بولساق، وتكەن جىلدىڭ تامىز ايىندا وعان پرەزيدەنت
بولىپ ا.ت. اسەنوۆ تاعايىندالعان بولاتىن. جارتى جىل دا بولماي، قر. مادەنيەت جانە سپورت
ءمينيسترىنىڭ ا. اسەنوۆتى قىزمەتىنەن بوساتۋ تۋرالى بۇيرىعى شىقتى.
مينيسترلىكتەن تىس كاسىبي قوعامنىڭ ارالاسۋىمەن ءمينيستردىڭ ول شەشىمى جوققا شىعارىلعان.
الايدا، ا. اسەنوۆتى قىزمەتىنەن بوساتۋ تۋرالى بۇيرىق قايتادان شىعىپ، بۇل جولى وعان الداپ قول
قويدىردى.
9 ماۋسىم كۇنى ا.ت. اسەنوۆ مىرزا جانە كينوستۋديانىڭ باسقارۋشى ديرەكتورى ق.ءا. تورەبايمەن
بىرگە نۇر-سۇلتانعا شاقىرىلىپ، قر مادەنيەت جانە سپورت مينيسترلىگى ولارعا باسقا جۇمىسقا
اۋىساتىنىن حابارلادى.
دەمەك ا. اسەنوۆ ۇلتتىق كينونى قولداۋ ورتالىعىنىڭ توراعاسى، ال ق. تورەباي "قازاقفيلم"
كينوستۋدياسىنىڭ پرەزيدەنتى بولىپ تاعايىندالاتىنىن مالىمدەگەن. ەشبىر كۇماندەرى بولماعان ا.
اسەنوۆ پەن ق. تورەباي ارىز جازىپ، الماتىعا ۇشىپ كەتكەن.
ءبىر اي ۇنسىزدىكتەن كەيىن، "قازاقفيلم" پرەزيدەنتى بولىپ رەجيسسەر اقان ساتاەۆتى تاعايىنداپ
وتىر.
ءبىز ا. ساتاەۆ مىرزاعا ەش قارسىلىعىمىز جوق. الايدا مادەنيەت جانە سپورت مينيسترلىگى
قىزمەتكەرلەرى تاراپىنان قىزمەتتىك ەتيكا ورەسكەل بۇزىلىپ وتىر.
ا. اسەنوۆ "قازاقفيلمنىڭ" پرەزيدەنتى قىزمەتىندە بار بولعانى 9 اي عانا وتىردى. وسىنداي قىسقا
مەرزىم ىشىندە، ونىڭ ۇستىنە، مينيسترلىك تاراپىنان ەش قولداۋ بولماي وتىرعاندا، قاندايدا ءبىر
ناتيجەگە قول جەتكىزۋ مۇمكىن بە؟
ا. اسەنوۆ تا، ق. تورەباي مىرزا دا قر ەڭبەك سىڭىرگەن قايراتكەرلەرى، ولار كينو سالاسىنا بار
ومىرلەرىن سارپ ەتكەن، كاسىبي ورتادا وتە بەدەلدى ازاماتتار، ولارعا وسىنداي قارىم-قاتىناس تانىتۋ
دۇرىس پا؟
مادەنيەت مينيسترلىگى جاۋاپتى قىزمەتكەرلەرىنىڭ مۇنداي ارەكەتتەرى جۇيەلى تۇردە ورىن الىپ
وتىرعانىنا نازار اۋدارتىپ، كينوگەرلەردى ەكى توپقا ءبولۋ ارەكەتتەرىنىڭ سالدارىنان بۇل سالادا
داۋ-دامايلار ءورشىپ تۇرعانىن ايتقىمىز كەلەدى.
جاقىندا قازاقستان كينوگەرلەر وداعىنىڭ توراعاسى ەرمەك تۇرسىنوۆ، وسى كينو سالاسىنداعى
پروبلەمالارعا جەكە-جەكە توقتالعان بولاتىن. بۇل ماسەلەگە ول ءوز اتىنان عانا ەمەس،
شىعارماشىلىق وداقتىڭ اتىنان نازار اۋدارتۋعا تىرىسقان. دەسە دە بيلىك قۇرىلىمدارى
تاراپىنان ەشقانداي رەاكتسيا بولمادى.
پرەزيدەنت مىرزا! بۇل ماسەلەلەر تەك وتاندىق كينو سالاسىنا عانا ەمەس، بۇكىل قازاقستان
مادەنيەتىنە قاتىستى بولعاندىقتان، ءوزىڭىزدىڭ تىكەلەي ارالاسۋىڭىزدى سۇرايمىز.
قۇرمەتپەن،
قسرو حالىق ءارتيسى، قسرو مەملەكەتتىك سىيلىعىنىڭ لاۋرەاتى، ەڭبەك ەرى
ءاسانالى ءاشىموۆ
قازاقستاننىڭ حالىق ءارتيسى، مەملەكەتتىك سىيلىقتىڭ يەگەرى،
نۇرجۇمان ىقتىمباەۆ
قازاقستان مەملەكەتتىك سىيلىعىنىڭ لاۋرەاتى، ەڭبەك سىڭىرگەن قايراتكەرى،
ساتىبالدى نارىمبەتوۆ
"قازاقفيلم" اق ديرەكتورلارى كەڭەسىنىڭ مۇشەسى
ەسەتجان قوسۋباەۆ
قازاقستاننىڭ ەڭبەك سىڭىرگەن قايراتكەرى
بولات قالىمبەتوۆ
قازاقستاننىڭ ەڭبەك سىڭىرگەن قايراتكەرى، جاستار وداعى سىيلىعىنىڭ يەگەرى
رۇستەم ابدىراشەۆ
قازاقستاننىڭ ەڭبەك سىڭىرگەن قايراتكەرى
انار قاشاعانوۆا
قازاقستاننىڭ ەڭبەك سىڭىرگەن قايراتكەرى
تاسبولات مەرەكەنوۆ
قازاقستاننىڭ ەڭبەك سىڭىرگەن قايراتكەرى
نۇرلان سانجار
كينورەجيسسەر اباي قارپىقوۆ
پىكىر قالدىرۋ