اقش ۇكىمەتى “تەررورلىق ۇيىم”ارقىلى ورتالىق ازياعا قاندايدا ءبىر ستراتەگيالىق جاڭا جوسپار قۇرا ما؟
kerey.kz
2001- جىلعى 11- قىركۇيەك وقيعاسىنان كەيىن رەسمي تۇردە تەررورلىق ۇيىم دەپ تانىلىپ كەلگەن شىعىس تۇركىستان يسلام پارتياسى (东突厥斯坦伊斯兰党/东伊运) قوزعالىسىن 20- قازان كۇنى اقش سىرتقى ىستەر ءمينيسترى مايك پومپەو “تەررورلىق ۇيىم” تىزىمىنەن بوساتىپ شىعاردى. بۇل تۋرالى ناقتى اقپارات 5- قاراشا كۇنى عانا جاريا بولدى.
اتالمىش يسلام حارەكەت ۇيىمى 80- جىلدىڭ اياعىندا قۇرىلعان. شۋار، اۋعان، پاكىستان جانە باسقا دا بىرقاتار ەلدەردە بەلسەندى قيمىل جاساپ كەلگەن ۇيىمدى “11- قىركۇيەك” وقيعاسىنان كەيىن اقش ۇكىمەتى قارا تىزىمگە الىپ، ءىس-ارەكەتىن زاڭسىز دەپ تانىعان ەدى. 2017- جىلى تۇركيا سىرتقى ىستەر ءمينيسترى مەۋلۇت چاۋىشوعلى قىتاي ساپارى كەزىندە تۇركيا جاقتىڭ دا اتالمىش پارتيانى “تەررورلىق ۇيىم” دەپ تانيتىنىن جاريالاعان-دى.
اقش ۇكىمەتىنىڭ اتالمىش ۇيىمدى اراعا 19 جىل سالىپ قارا تىزىمنەن بوساتىپ شىعارۋىن ەكى كۇننەن بەرى بىرقاتار ساياساتتانۋشىلار مەن شىعىس تۇركىستان ماسەلەسى بويىنشا قۇرىلعان كەيبىر ۇيىمدار قىزۋ تالقىلاپ جاتىر.
اقش ۇكىمەتى شىعىس تۇركىستان يسلام پارتياسى قوزعالىسى ارقىلى قىتاي، اۋعانستان جانە ورتالىق ازياعا قاندايدا ءبىر ستراتەگيالىق جاڭا جوسپار قۇرا ما؟-, بۇل ەندى وتاندىق ساياساتتانۋشىلاردىڭ ەنشىسىندەگى جۇمىس.
پىكىر قالدىرۋ