ادەبي الەم

قورقىتتىڭ بولىپ قوبىزى (ۇلى جازۋشى،عۇلاما عالىم مۇحتار ماعاۋين اعامىزدىڭ 80جاسقا تولۋىنا ارنايمىن)

kerey.kz

 |  Nov 23, 2020

قازاقتىڭ ۇلكەن ابىزى،
ۇلىلاردىڭ ناق ءىزى.
80گە كەلدى مۇحا اعام ،
ۇلتىمنىڭ ناعىز وعىزى.
جىرلاعان بەس عاسىردى،
قورقىتتىڭ بولىپ قوبىزى.
عالىممىن دەگەن تالايدىڭ،
سايدا-سان،قۇمدا جوق ءىزى.
تەڭەسە الماس ءبىر سىزگە،
سوندايدىڭ توقسان توعىزى.

80 گە كەلدىڭ سەندە اعا،
بارىمىزدە پەندە اعا.
ەكى اينالىپ بۇل جاسقا ،
كەلمەيسىز عوي ەندى اعا.
تۋىپ وسكەن تۇعىرىڭ،
قازاقستانداعى كەڭ دالا.
سىزگە قونىس بولا الماي ،
قۇرلىق استىڭ ەن دالا.
كەتەسىزبە وسىلاي ،
بۇتىندەلمەي جەڭ،جاعا.
اتتەڭ ءبىر كەم دۇنيە ،
ايتقانداي شەشەن شەر اعا.

سىزگە قاستىق قىلعاندار،
اياققا تۇساۋ سالعاندار.
قىزعانىشتان كورە الماي ،
ىشتەرى وت بوپ جانعاندار.
جولىڭا قاقپان قۇرعاندار،
قادىرىىڭ ءوتىپ ءبىر كۇنى،
ارماندار ،سىزدى ارماندار.
جازعانىڭ كاۋسار بۇلاقتاي،
وقىعان ادام العان ءنار.
شۇرايلى ءتىلىڭ ءتاپ-ءتاتتى ،
اۋماي قالعان بالدان ءدال .
دايارياسىڭ جوڭكىگەن ،
وزىڭە ءتان ارناڭ بار.
تۇياعىسىڭ تۇلپاردىڭ ،
سوڭعى جالعىز قالعان بار .

الاتىن ماڭگى ەسىنە ەل،
شىن جۇيىرىكسىڭ كوسىلەر.
ەكى اينالىپ ومىرگە،
كەلمەيدى سىزدەي ەسىل ەر.
ورىن بەرىپ توبەدەن ،
قوندىرماسا توسىنە ەل.
قازاق دەگەن اتقا سىن،
تاريح قايتىپ كەشىرەر·
ۇلىقتاي الماساق ۇعىلدى،
بولىپ جۇرمىز نەسىنە ەل.

قۇزار شىڭدا سامعايتىن،
ءجاي توبەگە قونبايتىن .
اق يىعىسىڭ التايدىڭ.
توپشىسى بوساپ تالمايتىن.
كوزدەگەن اساۋ اڭىڭدى،
اۋلاماي ماڭگى تىنبايتىن.
تەككە پىتكەن ءور مىنەز،
ءوزىن عانا تىڭدايتىن .
سەكسەۋىل تومار سەكىلدى،
بالتالاسادا سىنبايتىن.

توپراق شاشپايىم كوپكە بار ،
ەسىپ ءجۇر جەلدەي كوپ حابار .
وسەكشىلەر كوبەيدى،
اراعا شوق ساپ وت جاعار.
اقىرى بار ءار ءىستىڭ،
ءار نارسەدە شەك بولار .
ەركەلەتە الماعان ،
ەلىڭە قالعان  وكپەڭ بار.
دەگەن ءسوز بار اتالى،
بەتەگە كەتەر ،بەت قالار .
تۇسىنۋدە ءبىر ەرلىك ،
تەكتى ادامدا كەك بولار.

جازعانىڭ بولىپ تىم مىقتى …
ايتقانىڭ  ءۇشىن ىرىلىكتى .
جەر قىلعانىڭ ءۇشىن ىنجىقتى،
قابىلداي الماي كوپ نادان ،
شىرقىراعان شىندىقتى .
تىرناق استىنان كىر ىزدەپ،
اراعا سالىپ شىن ىرتكى.
بولىپ بەينە كۇبىرتكى.
ءجايلى ورنىڭدى سۋىتىپ ،
توسەگىڭنەن تۇڭىلتتى.

جۇرسەدە بوتەن جات جەردە ،
قىزمەت قىلدى ناقتى ەلگە.
سوندادا كوپ كورە الماس،
مالشىنىپ كوك تەر،اق تەرگە.
سىرتىنان وسەك بوراتىپ،
جالاسىن جاۋىپ جاتتى ەرگە.
ەلەمەي ءبارىن ەر تۇلعا،
قالامىن دوس قىپ داپتەرگە.
شىڭعىسحاندى بەس توم عىپ ،
تاريحقا قويىپ ساپ بەلگى.
ءتىرىلتىپ ۇلى قاعاندى،
تورىمىزگە اپ كەلدى.

ابايدىڭ جالعاپ ۇلى ءىسىن،
قالام بوپ بايلىق ،ىرىسىڭ.
قاباعان يتتەر قاۋمالاپ،
تارىلسادا تىنىسىڭ.
ەشكىمگە دە باس ءيىپ،
كورمەدىڭ اعا كۇن ءۇشىن .
تۋادا پىتكەن مىنەزىڭ،
تەك قۇدايدىڭ قۇلىسىڭ.
كورسەتتىڭ كوپكە شىنىمەن ،
تەكتىلىكتىڭ ۇلگىسىن.
قانداي ۇلى بولسا جازعانىڭ،
وزىڭدە سونداي ۇلىسىڭ.

شاھيدوللا سامۇراتۇلى بوكەەۆ