QORQITTIÑ BOLIP QOBIZI (wlı jazuşı,ğwlama ğalım mwhtar mağauin ağamızdıñ 80jasqa toluına arnaymın)
kerey.kz
Qazaqtıñ ülken abızı,
Wlılardıñ naq izi.
80ge keldi Mwha ağam ,
Wltımnıñ nağız oğızı.
Jırlağan bes ğasırdı,
Qorqıttıñ bolıp qobızı.
Ğalımmın degen talaydıñ,
Sayda-san,qwmda joq izi.
Teñese almas bir sizge,
Sondaydıñ toqsan toğızı.
80 ge keldiñ sende ağa,
Bärimizde pende ağa.
Eki aynalıp bwl jasqa ,
Kelmeysiz ğoy endi ağa.
Tuıp ösken twğırıñ,
Qazaqstandağı keñ dala.
Sizge qonıs bola almay ,
Qwrlıq astıñ en dala.
Ketesizbe osılay ,
Bütindelmey jeñ,jağa.
Ätteñ bir kem dünie ,
Aytqanday şeşen Şer ağa.
Sizge qastıq qılğandar,
Ayaqqa twsau salğandar.
Qızğanıştan köre almay ,
İşteri ot bop janğandar.
Jolıña qaqpan qwrğandar,
Qadırııñ ötip bir küni,
Armandar ,sızdı armandar.
Jazğanıñ käusar bwlaqtay,
Oqığan adam alğan när.
Şwraylı tiliñ täp-tätti ,
Aumay qalğan baldan däl .
Dayaryasıñ jöñkigen ,
Öziñe tän arnañ bar.
Twyağısıñ twlpardıñ ,
Soñğı jalğız qalğan bar .
Alatın mäñgi esine el,
Şın jüyiriksiñ kösiler.
Eki aynalıp ömirge,
Kelmeydi sizdey esil er.
Orın berip töbeden ,
Qondırmasa tösine el.
Qazaq degen atqa sın,
Tarih qaytıp keşirer·
Wlıqtay almasaq wğıldı,
Bolıp jwrmız nesine el.
Qwzar şıñda samğaytın,
Jäy töbege qonbaytın .
Aq iığısıñ Altaydıñ.
Topşısı bosap talmaytın.
Közdegen asau añıñdı,
Aulamay mäñgi tınbaytın.
Tekke pitken ör minez,
Özin ğana tıñdaytın .
Sekseuil tomar sekildi,
Baltalasada sınbaytın.
Topraq şaşpayım köpke bar ,
Esip jür jeldey köp habar .
Ösekşiler köbeydi,
Arağa şoq sap ot jağar.
Aqırı bar är istiñ,
Är närsede şek bolar .
Erkelete almağan ,
Eliñe qalğan ökpeñ bar.
Degen söz bar atalı,
Betege keter ,bet qalar .
Tüsinude bir erlik ,
Tekti adamda kek bolar.
Jazğanıñ bolıp tım mıqtı …
Aytqanıñ üşin irilikti .
Jer qılğanıñ üşin ınjıqtı,
Qabılday almay köp nadan ,
Şırqırağan şındıqtı .
Tırnaq astınan kir izdep,
Arağa salıp şın irtki.
Bolıp beyne kübirtki.
Jäyli ornıñdı suıtıp ,
Tösegiñnen twñılttı.
Jürsede böten jat jerde ,
Qızmet qıldı naqtı elge.
Sondada köp köre almas,
Malşınıp kök ter,aq terge.
Sırtınan ösek boratıp,
Jalasın jauıp jattı erge.
Elemey bärin er twlğa,
Qalamın dos qıp däpterge.
Şıñğıshandı bes tom ğıp ,
Tarihqa qoyıp sap belgi.
Tiriltip wlı qağandı,
Törimizge ap keldi.
Abaydıñ jalğap wlı isin,
Qalam bop baylıq ,ırısıñ.
Qabağan itter qaumalap,
Tarılsada tınısıñ.
Eşkimge de bas iip,
Körmediñ ağa kün üşin .
Tuada pitken mineziñ,
Tek Qwdaydıñ qwlısıñ.
Körsettiñ köpke şınımen ,
Tektiliktiñ ülgisin.
Qanday wlı bolsa jazğanıñ,
Öziñde sonday wlısıñ.
ŞAHIDOLLA SAMWRATWLI BÖKEEV
Pikir qaldıru