الماتى وبلىسىندا كوروناۆيرۋسقا قارسى رەسەيدە جاسالعان «Sputnik V» ۆاكتسيناسىن العان مەدبيكە ەسىنەن تانىپ قالدى. بۇل جاعدايدى وبلىستىق  دەنساۋلىق ساقتاۋ باسقارماسى دا راستادى، دەپ حابارلايدى Azattyq Rýhy تىلشىسى. وقيعا كەشە تالدىقورعان قالاسىندا بولعان. ەكپەدەن كەيىن ەسىن جوعالتقان ناۋقاس جەدەل-جاردەم كولىگىمەن تالدىقورعانداعى №2 قالالىق اۋرۋحاناعا جەتكىزىلگەن.

«02.02.2021 جىلى تالدىقورعان قالاسىنداعى وبلىستىق اۋرۋحانادا  جۇمىس ىستەيتىن «ا» ەسىمدى مەدقىزمەتكەر «Sputnik V» ۆاكتسيناسىن قابىلداعاننان كەيىن قان قىسىمىنىڭ 140/100 مم سىناپ باعاناسىنا دەيىن كوتەرىلۋ ەپيزودى بولدى. ۆاكتسيناتسيادان كەيىن قان قىسىمىنىڭ جوعارىلاۋى بايقالعانىن ەسكەرە وتىرىپ، ناۋقاسقا كومەك كورسەتىلدى، قان قىسىمى قالىپقا كەلتىرىلدى. قالىپتى گەموديناميكالىق پارامەترلەرى بار ناۋقاس اۋرۋحاناعا جاتۋدان  باس تارتتى»، – دەدى الماتى وبلىستىق  دەنساۋلىق ساقتاۋ باسقارماسىنىڭ ءباسپاسوز جەتەكشىسى ءلايلىم اۋباكىروۆا.

كوروناۆيرۋسقا قارسى رەسەيلىك ەكپەنى سالعىزام دەپ ەسىنەن تانعان ايەلدىڭ قازىرگى جاعدايى قالىپتى. ول سول كۇنى جانە تۇسكە قاراي قايتادان جۇمىس ىستەۋگە بارعان.

باق-تا رەسەيلىك ۆاكتسيناتسيانى سالدىرعىسى كەلمەگەن مەديتسينا ماماندارىن باسقارما تاراپىنان جۇمىستان قۋىپ جاتقانى تۋرالى دا اقپارات تاراعان ەدى. الايدا باسقارما وكىلدەرى ەكپە سالۋعا ەشكىمدى كۇشتەپ ماجبۇرلەمەگەندەرىن مالىمدەدى.

«№2 تالدىقورعان قالالىق ەمحاناسى» مكك اكىمشىلىگى ەمحانا قىزمەتكرەلەرى COVID-19-عا قارسى  بىرىنشى كەزەكتە ۆاكتسينا الاتىنداردىڭ قاتارىنداعى مەكەمە ەمەس. تيىسىنشە، ۆاكتسيناتسيادان باس تارتۋعا بايلانىستى قىزمەتكەرلەردە جۇمىستان شىعىپ قالۋ دەگەن قورقىنىش ەشقاشان بولعان ەمەس. كەشەگى ەپيزودقا بايلانىستى مەديتسينالىق قىزمەتكەرلەردىڭ ەشقايسىسى (قارسى كورسەتىلىمدەرى جوق) COVID-19 قارسى ۆاكتسينا الۋدان باس تارتپايدى. ۆاكتسيناتسيا بەكىتىلگەن جوسپار بويىنشا جۇرگىزىلەدى»، – دەپ حابارلادى ۆەدومستۆو وكىلى.

ءامىربولات قۇسايىنۇلى، الماتى وبلىسى.  

 Azattyq Rýhy