«200 مىڭ تەڭگە تولەنەدى»: قازاقستاندا كورونوۆيرۋسقا قارسى ءومىرىن ساقتاندىراتىندار سانى ارتقان
kerey.kz
ەلىمىزدە كوروناۆيرۋسقا قارسى ءومىرىن ساقتاندىراتىن تۇرعىندار سانى ارتقان. ۆيرۋسقا قارسى ساقتاندىرۋدىڭ قۇنى 5-8 مىڭ تەڭگە ارالىعىندا. ال ادام كوروناۆيرۋسپەن اۋىرا قالعان جاعدايدا وعان 200 مىڭ تەڭگەگە دەيىن وتەماقى تولەنەدى، دەپ حابارلايدى kerey.kz پورتالىنىڭ ءتىلشىسى. جەكە باستارىنىڭ قاۋىپسىزدىگىنە جەتە ءمان بەرىپ، ومىرلەرىن ساقتاندىرۋ جاعىنان تۇركىستان وبلىسىنىڭ تۇرعىندارى كوش باسىندا. ودان كەيىنگى ورىنداردا الماتى قالاسى مەن ماڭعىستاۋ وبلىسىنىڭ تۇرعىندارى تۇر.
«ءبىز كومپانيا سايتىندا 5 مينۋت ىشىندە ونلاين ساتىپ الۋعا بولاتىن «COVID-19» جانە «Life-پەرسونا» ءومىردى ساقتاندىرۋ بويىنشا ونىمدەردى ۇسىنىپ كەلەمىز. «Life-پەرسونا» ساقتاندىرۋ باعدارلاماسىنىڭ نەگىزگى ارتىقشىلىعى ساقتاندىرۋ مەرزىمى اياقتالعاننان كەيىن قانداي جاعداي بولماسىن كليەنتتىڭ ساقتاندىرۋ جارنالارى قايتارىلادى. كوروناۆيرۋستان ساقتاندىرۋدىڭ قۇنى 5 مىڭنان 8 400 تەڭگە ارالىعىندا. ون مىڭ تەڭگەگە دە جەتپەيدى. ونلاين تۇردە ءبىر مىڭنان استام ادام 16 ميلليون تەڭگەگە ومىرلەرىن كوروناۆيرۋسقا قارسى ساقتاندىرعان. ولاردىڭ اراسىندا ۆيرۋسپەن اۋىرىپ قالعان جۇزگە جۋىق ادام ساقتاندىرۋ پوليستەرى ارقىلى اقشا الدى. وڭتۇستىك وڭىردە ايلىعىنان اي سايىن 5 مىڭ تەڭگەدەن بولسا ءبولىپ، ومىرلەرىن ساقتاندىرىپ جاتقان ادامدار كوپ. ودان كەيىنگى ورىندا الماتى قالاسى مەن ماڭعىستاۋ وبلىسىنىڭ تۇرعىندارى تۇر. اتالعان وڭىرلەردەگى ادامداردىڭ جەكە باسىن، وتباسىن، جالپى ساقتاندىرۋدىڭ پايداسى تۋرالى بىلەتىن مالىمەتتەرى جوعارى. ولاردىڭ اراسىندا دارىگەرلەر مەن مۇعالىمدەردىڭ ۇلەسى باسىم»، – دەدى «حالىق-Life» اق باسقارما ءتورايىمى جانار جۇبانيازوۆا.
ءومىردى ساقتاندىرۋدىڭ بارلىق ءتۇرىن العاندا كاپيتال كورسەتكىشى دە وسكەن. «حالىق-Life» اق باسشىلارىنىڭ سوزىنشە، بيىلعى جىلدىڭ 9 ايىندا سىيلىق سىياقىلاردىڭ جيىنتىق كولەمى 92,8 ملرد تەڭگەگە جەتكەن. بۇل كورسەتكىش وتكەن جىلمەن سالىستىرعاندا 88% – عا جوعارى. سايكەسىنشە كليەنتتەرگە ساقتاندىرۋ تولەمدەرى دە وسكەن. ومىرلەتىن ساقتاندىرعان ادامدارعا سوڭعى 9 ايدىڭ ىشىندە 8,2 ملرد تەڭگەدەن استام تولەم جۇرگىزىلگەن. كومپانيا قازاقستان كولەمىندە ءومىردى ساقتاندىرۋ نارىعىنىڭ بۇكىل تاريحىندا العاش رەت جىل باسىنان بەرى 100 ملرد تەڭگە كولەمىندە ساقتاندىرۋ سىيلىقاقىلارىنىڭ رەكوردتىق كولەمىن جيناعان.
«كومپانيا وڭ دامۋ ديناميكاسىن، سەنىمدىلىگى مەن قارجىلىق تۇراقتىلىعىن، سونداي-اق ۇسىنىلاتىن ساقتاندىرۋ ونىمدەرىنە قاجەتتىلىكتى ايقىندادى. پاندەميا ەل تۇرعىندارىنا شۇعىل جاعدايلار تۋىنداعان جاعدايدا ساقتاندىرۋ ارقىلى قورعانىس تۇرىندەگى «قاۋىپسىزدىك كوپشىگىنىڭ» ماڭىزدىلىعىن كورسەتتى. ۇسىنىلعان ونىمدەر قارجىلىق قورعانىستى قامتاماسىز ەتۋگە جانە بولاشاققا سەنىمدىلىك بەرەدى، ال شارت مەرزىمى اياقتالعان ساتتە ءبىزدىڭ كليەنتتەرىمىز ءۇشىن قارجىلىق جيناقتاردىڭ قالىپتاسۋىنا كەپىلدىك بەرەدى. تاجىريبە كورسەتكەندەي، ۇسىنىلعان ىڭعايلى سەرۆيستەر مەن باعدارلامالاردىڭ ارقاسىندا كليەنتتەر مەنشىكتى كاپيتالدى كوبەيتۋگە، بالانىڭ ءبىلىم الۋىنا نەمەسە ءوز بالالارىنىڭ جيناقتارىن مۇراعا قالدىرۋ ءۇشىن نەگىز جاساۋعا باعىتتايدى. كومپانيانىڭ نارىقتاعى ۇلەسى 33,6% – دى قۇرادى. جيناقتاۋدىڭ تۇرلەرى دەۆالۆاتسيا تاۋەكەلدەرىنەن جانە ۆاليۋتا باعامىنىڭ اۋىتقۋىنان دا سەنىمدى قورعالعان»، – دەدى باسقارما ءتورايىمى جانار جۇبانيازوۆا.
ال شاعىن كاسىپكەرلىك سۋبەكتىلەرىنە ىڭعايلى بولۋ ءۇشىن «حالىق-Life» كومپانياسى قىزمەتكەردىڭ ەڭبەك مىندەتتەرىن اتقارعان كەزدە ونى جازاتايىم وقيعادان مىندەتتى ساقتاندىرۋ شارتتارىن جاساسۋ ماقساتىندا ونلاين سەرۆيستى ىسكە قوستى. ەندى قىزمەتكەرلەرىنىڭ سانى از جەكە كاسىپكەرلەر مەن زاڭدى تۇلعالار دا ءبىر-ەكى قيمىلمەن، وفيستەن شىقپاي-اق ءوز قىزمەتكەرلەرىن جەدەل ساقتاندىرا الادى.
سونداي-اق وسى جىلدىڭ باسىندا حالىك-Life كليەنتتەرگە بارىنشا ىڭعايلىلىقتى قامتاماسىز ەتۋ ءۇشىن نارىقتا ءبىرىنشى بولىپ IOS جانە Android نەگىزىندەگى ءموبيلدى قوسىمشانى شىعاردى. بىرەگەي موبيلدىك سەرۆيستىڭ ارقاسىندا كومپانيانىڭ كليەنتتەرى الەمنىڭ كەز كەلگەن نۇكتەسىنەن 24/7 رەجيمىندە ءوز ساقتاندىرۋ شارتتارىنىڭ جاعدايىن قاداعالاپ، جارنالاردى تولەي الادى، كومپانيا قىزمەتى تۋرالى جاڭالىقتار الىپ، باسقا دا قىزمەتتەردى ورىنداي الادى.
«ءبىز ساقتاندىرۋ سەرۆيسىن جەتىلدىرۋ جانە الەۋەتتى كليەنتتەرىمىزگە بارىنشا قولايلى جاعداي جاساۋ ءۇشىن ۇسىنىلاتىن قىزمەتتەردىڭ ءتۇرىن كەڭەيتۋ بويىنشا جۇمىستى جالعاستىرۋدامىز. ەندى جۇمىس بەرۋشىلەرگە كومپانيا مەنەدجەرىنە قوڭىراۋ شالۋدىڭ، جالپى كۇتۋ ءۇشىن ۋاقىت جۇمساۋدىڭ جانە قىزمەتكەر ەڭبەك (قىزمەتتىك) مىندەتتەرىن اتقارعان كەزدە ونى جازاتايىم وقيعالاردان مىندەتتى ساقتاندىرۋ (جومس) بويىنشا شارت جاساسۋ ءۇشىن كەڭسەگە كەلۋدىڭ قاجەتى جوق. ولارعا ەلەكتروندى ساندىق قولتاڭبانىڭ بولۋى (ەسق) جانە بىرنەشە مينۋت ىشىندە كومپانيانىڭ سايتى ارقىلى بارلىق قاجەتتى قادامداردان ءوتۋدىڭ ءوزى جەتكىلىكتى. ءبىز بۇل قىزمەتتى شاعىن بيزنەس باسشىلارى اراسىندا جوعارى سۇرانىسقا يە بولادى دەپ ۇمىتتەنەمىز»، – دەدى باسقارما توراعاسىنىڭ ورىنباسارى ا. جەكسەمباەۆ.
پىكىر قالدىرۋ