«200 mıñ teñge tölenedi»: Qazaqstanda koronovirusqa qarsı ömirin saqtandıratındar sanı artqan
kerey.kz
Elimizde koronavirusqa qarsı ömirin saqtandıratın twrğındar sanı artqan. Virusqa qarsı saqtandırudıñ qwnı 5-8 mıñ teñge aralığında. Al adam koronaviruspen auıra qalğan jağdayda oğan 200 mıñ teñgege deyin ötemaqı tölenedi, dep habarlaydı kerey.kz portalınıñ tilşisi. Jeke bastarınıñ qauipsizdigine jete män berip, ömirlerin saqtandıru jağınan Türkistan oblısınıñ twrğındarı köş basında. Odan keyingi orındarda Almatı qalası men Mañğıstau oblısınıñ twrğındarı twr.
«Biz kompaniya saytında 5 minut işinde onlayn satıp aluğa bolatın «COVID-19» jäne «Life-Persona» ömirdi saqtandıru boyınşa önimderdi wsınıp kelemiz. «Life-Persona» saqtandıru bağdarlamasınıñ negizgi artıqşılığı saqtandıru merzimi ayaqtalğannan keyin qanday jağday bolmasın klienttiñ saqtandıru jarnaları qaytarıladı. Koronavirustan saqtandırudıñ qwnı 5 mıñnan 8 400 teñge aralığında. On mıñ teñgege de jetpeydi. Onlayn türde bir mıñnan astam adam 16 million teñgege ömirlerin koronavirusqa qarsı saqtandırğan. Olardıñ arasında viruspen auırıp qalğan jüzge juıq adam saqtandıru polisteri arqılı aqşa aldı. Oñtüstik öñirde aylığınan ay sayın 5 mıñ teñgeden bolsa bölip, ömirlerin saqtandırıp jatqan adamdar köp. Odan keyingi orında Almatı qalası men Mañğıstau oblısınıñ twrğındarı twr. Atalğan öñirlerdegi adamdardıñ jeke basın, otbasın, jalpı saqtandırudıñ paydası turalı biletin mälimetteri joğarı. Olardıñ arasında därigerler men mwğalimderdiñ ülesi basım», – dedi «Halıq-Life» AQ Basqarma Törayımı Janar Jwbaniyazova.
Ömirdi saqtandırudıñ barlıq türin alğanda kapital körsetkişi de ösken. «Halıq-Life» AQ basşılarınıñ sözinşe, biılğı jıldıñ 9 ayında sıylıq sıyaqılardıñ jiıntıq kölemi 92,8 mlrd teñgege jetken. Bwl körsetkiş ötken jılmen salıstırğanda 88% – ğa joğarı. Säykesinşe klientterge saqtandıru tölemderi de ösken. Ömirletin saqtandırğan adamdarğa soñğı 9 aydıñ işinde 8,2 mlrd teñgeden astam tölem jürgizilgen. Kompaniya Qazaqstan köleminde ömirdi saqtandıru narığınıñ bükil tarihında alğaş ret jıl basınan beri 100 mlrd teñge köleminde saqtandıru sıylıqaqılarınıñ rekordtıq kölemin jinağan.
«Kompaniya oñ damu dinamikasın, senimdiligi men qarjılıq twraqtılığın, sonday-aq wsınılatın saqtandıru önimderine qajettilikti ayqındadı. Pandemiya el twrğındarına şwğıl jağdaylar tuındağan jağdayda saqtandıru arqılı qorğanıs türindegi «qauipsizdik köpşiginiñ» mañızdılığın körsetti. Wsınılğan önimder qarjılıq qorğanıstı qamtamasız etuge jäne bolaşaqqa senimdilik beredi, al şart merzimi ayaqtalğan sätte bizdiñ klientterimiz üşin qarjılıq jinaqtardıñ qalıptasuına kepildik beredi. Täjiribe körsetkendey, wsınılğan ıñğaylı servister men bağdarlamalardıñ arqasında klientter menşikti kapitaldı köbeytuge, balanıñ bilim aluına nemese öz balalarınıñ jinaqtarın mwrağa qaldıru üşin negiz jasauğa bağıttaydı. Kompaniyanıñ narıqtağı ülesi 33,6% – dı qwradı. Jinaqtaudıñ türleri deval'vaciya täuekelderinen jäne valyuta bağamınıñ auıtquınan da senimdi qorğalğan», – dedi Basqarma Törayımı Janar Jwbaniyazova.
Al şağın käsipkerlik sub'ektilerine ıñğaylı bolu üşin «Halıq-Life» kompaniyası qızmetkerdiñ eñbek mindetterin atqarğan kezde onı jazatayım oqiğadan mindetti saqtandıru şarttarın jasasu maqsatında onlayn servisti iske qostı. Endi qızmetkerleriniñ sanı az jeke käsipkerler men zañdı twlğalar da bir-eki qimılmen, ofisten şıqpay-aq öz qızmetkerlerin jedel saqtandıra aladı.
Sonday-aq osı jıldıñ basında Halık-Life klientterge barınşa ıñğaylılıqtı qamtamasız etu üşin narıqta birinşi bolıp IOS jäne Android negizindegi mobil'di qosımşanı şığardı. Biregey mobil'dik servistiñ arqasında kompaniyanıñ klientteri älemniñ kez kelgen nüktesinen 24/7 rejiminde öz saqtandıru şarttarınıñ jağdayın qadağalap, jarnalardı töley aladı, kompaniya qızmeti turalı jañalıqtar alıp, basqa da qızmetterdi orınday aladı.
«Biz saqtandıru servisin jetildiru jäne äleuetti klientterimizge barınşa qolaylı jağday jasau üşin wsınılatın qızmetterdiñ türin keñeytu boyınşa jwmıstı jalğastırudamız. Endi jwmıs beruşilerge kompaniya menedjerine qoñırau şaludıñ, jalpı kütu üşin uaqıt jwmsaudıñ jäne qızmetker eñbek (qızmettik) mindetterin atqarğan kezde onı jazatayım oqiğalardan mindetti saqtandıru (JOMS) boyınşa şart jasasu üşin keñsege keludiñ qajeti joq. Olarğa elektrondı sandıq qoltañbanıñ boluı (ESQ) jäne birneşe minut işinde kompaniyanıñ saytı arqılı barlıq qajetti qadamdardan ötudiñ özi jetkilikti. Biz bwl qızmetti şağın biznes basşıları arasında joğarı swranısqa ie boladı dep ümittenemiz», – dedi Basqarma törağasınıñ orınbasarı A. Jeksembaev.
Pikir qaldıru