23 قاڭتار ساعات 00.09-دا الماتىدا قاتتى جەر سىلكىندى. قازاقستان توتەنشە جاعدايلار مينيسترلىگىنىڭ سەيسميكالىق بايقاۋ جانە زەرتتەۋ ۇلتتىق عىلىمي ورتالىعىنىڭ مالىمەتىنشە، جەر سىلكىنىسىنىڭ ەپيتسەنترى الماتىنىڭ وڭتۇستىك-شىعىسىنان 264 شاقىرىمدا، قازاقستان مەن قىرعىزستان شەكاراسىندا بولعان.
جەر ءدۇمپۋىنىڭ ماگنيتۋداسى 6,7. مSك-64 شكالاسى بويىنشا الماتىدا جەر ءدۇمپۋى – 5 بالل، شىمكەنتتە 2 بالل بولعان.
الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعاەۆ ادام شىعىنى مەن قيراعان عيماراتتار جايلى اقپارات تۇسپەگەنىن مالىمدەدى.
تجد حالىقتى ليفت قولدانباۋعا، تەز ارادا ۇيلەرىنەن شىعىپ، قاۋىپسىز ايماق تابۋعا، گاز، سۋ جانە جارىقتى سوندىرۋگە شاقىردى. ۆەدومستۆو حالىقتى سابىر ساقتاۋعا ۇندەدى.
ال ساعات 00:44-تە الماتىدا ءجۇر ءدۇمپۋى قايتالانعانى، ەكىنشى جەر سىلكىنىسى شامامەن 2-3 بالل بولعانى حابارلاندى
جەلىدە تاراعان ۆيدەولاردا حالىقتىڭ سىرتقا شىعىپ كەتكەنى بايقالادى. بۇدان بولەك الماتىلىقتار ۇيلەرىندەگى جيھازداردىڭ قاتتى تەڭسەلگەن ۆيدەولارىمەن دە ءبولىسىپ جاتىر.
ساعات تۇنگى 01:05 شاماسىندا قالالىق تجد باسشىسى نۇرلان اتىعاەۆ ۆيدەومالىمدەمە جاساپ، “الماتىدا تاڭعى 5 شاماسىندا جويقىن جەر سىلكىنىسى بولادى دەگەن جالعان اقپارات تاراپ جاتىر. سىزدەردى سابىرلىق ساقتاپ، توتەنشە جاعداي دەپارتامەنتىنىڭ رەسمي وكىلدەرىنىڭ اقپاراتىنا سەنۋگە شاقىرامىن. سەيسمولوگيا ينستيتۋتىنىڭ بولجامىنشا، جەر سىلكىنىسى قايتالانبايدى” دەدى.
ازاتتىقتىڭ قىرعىز قىزمەتى بىشكەك قالاسى مەن ىستىقكول وبلىسىندا قاتتى جەر سىلكىنگەنىن، حالىق جاپپاي سىرتقا شىعىپ كەتكەنىن حابارلادى.
اقپارات تولىقتىرىلادى.
azattyq.org
پىكىر قالدىرۋ