بيىلعى بايقاۋعا جالپى 444 ءوتىنىم تىركەلدى. سونىڭ ىشىندە 16 جوبا مەملەكەتتىك قولداۋعا لايىق دەپ تانىلدى. ولاردىڭ قاتارىندا ءۇش دەبيۋتتىك جۇمىس جانە تايلاندپەن بىرلەسكەن كينوجوبا بار. بۇل قازاقستاندىق اۆتورلاردىڭ حالىقارالىق ىنتىماقتاستىققا دايىن ەكەنىن جانە شەتەلدىك ارىپتەستەرمەن بايلانىسىن نىعايتىپ وتىرعانىن كورسەتەدى.
كەزدەسۋ بارىسىندا ورتالىقتىڭ باسقارما توراعاسى قۇرمانبەك جۇماعالي – «ساپالى فيلم ءتۇسىرۋ – باستى تالاپ. كونكۋرستا جەڭىسكە جەتكەن جوبا جەتەكشىلەرىنىڭ كينو ءوندىرىسىنىڭ العاشقى ساتىسىنان باستاپ، ەكران ارقىلى كورەرمەنگە جەتۋ كەزەڭىنە دەيىن ءار قادامى مەن جوسپارى ناقتى بولۋى ءتيىس. ياعني وندىرىستىك پروتسەستەن باستاپ، ماركەتينگ پەن ديستريبۋتسياعا، حالىقارالىق كينونارىققا شىعۋ جولدارىنا دەيىنگى ءىس-شارالار جۇيەلى تۇردە ۇيىمداستىرىلۋى شارت. تۇسىرىلەتىن فيلمدەردە ۇلتتىق قۇندىلىقتاردى دارىپتەۋ، مەملەكەتتىك ءتىلدىڭ مارتەبەسىن كۇشەيتۋ، وتانسۇيگىشتىك پەن مادەني مۇراعا دەگەن قۇرمەتتى ناسيحاتتاۋ ماڭىزدى» - ەكەندىگىن اتاپ ءوتتى.
پىكىر قالدىرۋ