بەسىن نامازىن وقيىن دەپ مەشىتكە كىرسەم، قازاقتىڭ تاقياسىن كيگەن بالا كوزىمە وتتاي باسىلدى. جانىنا جاقىندادىم دا:
– كىم بولاسىڭ؟ – دەپ سۇرادىم. ول دا:
– قازاقپىن! – دەدى.
– اتىڭ كىم؟
– يسلام.
– نەشەدەسىڭ؟
– وندامىن.
– اكەڭ اتى كىم؟
– باۋىرجان؟
– مۇندا نە ىستەپ ءجۇرسىڭ؟
– وسىندا تۇرامىز.
– اكەڭ قايدا؟
– قازاقستاندا، پاۆلوداردا.
– سەن كىممەن تۇراسىڭ؟
– تۇرىك اكەممەن.
– ەسىمى كىم؟
– فەۆزي.
– قانشا جىل بولدى كەلگەندەرىڭە؟
– ءتورت جىل بولدى.
– وقيسىڭ با؟
– ءيا، مەكتەپتە وقيمىن.
– قانشا اعايىنسىڭدار؟
– بەسەۋمىز.
– بەسەۋىڭ دە تۋعانسىڭدار ما؟
– جوق، ۇلكەن ەكى اپكەم جانە مەن – ءبىر تۋعانبىز. قالعان ەكى باۋىرىم – تۇرىك.
– اكەڭ نەمەن اينالىسادى؟
– قايىق-كەمە جوندەيدى.
– ەلگە بارىپ تۇراسىڭدار ما؟
– ءيا. اتام مەن اجەمە بارىپ تۇرامىز.
– قاي ەل بولاسىڭ؟
– قوڭىرات.
– اتاڭ مەن اجەڭ قايدا؟
– اتىراۋدا.
– ءوزىڭ قاي جەردە تۋعانسىڭ؟
– سەمەيدە. ال اپكەلەرىم اقسۋاتتا.
– اناڭ ناماز وقي ما؟
– وقيدى.
– اكەڭ شە؟
– جۇما نامازىنا عانا بارادى.
– اناڭا سالەم ايت. ءبىر قازاق كوردىم دەپ ايت.
– جارايدى. بىراق مەن ءسىزدى سىرتىڭىزدان بىرنەشە مارتە كورگەنمىن…
– سولاي ما؟
– ءيا…
– وسى مەشىتكە ءجيى كەپ تۇرساڭ، ءالى تالاي كەزدەسەرمىز.
– جازدا قۇران كۋرسى بولادى. سوعان قاتىسامىن اللا جازسا.
– بارەكەلدى! جاقسى وندا، كەزدەسكەنشە!
– ساۋ بولىڭىز.
***
يسلامعا قازاقتىڭ تاقياسىن اناسى كيگىزىپ جىبەرەتىن سەكىلدى. “قوڭىرات” ەكەنىن دە قۇلاعىنا قۇيىپ تاستاپتى. “تۇرىكتىڭ ەلىندە جۇرسەڭ دە، ءوز ەلىڭدى ۇمىتپا!” دەگەن بولۋ كەرەك. ىستامبۇلدىڭ شەتىندەگى پەنديك اۋدانىنان وسىلاي ءبىر ەمەس، بىرنەشە قازاق پەن قازاقستاندىق كەزدەستىرىپ قالامىز ارا-تۇرا…

saltan.islam.kz