«اسىق ويناعان ازار» دەگەن ءسوز كۇشىن جويعانداي بولدى، ۇمىت بولعان ۇلتتىق ويىندى جاڭعىرتۋدى قولعا العان بەرىك سۇلتان اعامىزدىڭ باستاماسى بيىلعى جىلى دا جالعاسىن تاپتى.

ساعات 18-00 دە بايتەرەكتىڭ قاسىنا جينالعان اسىق ويناۋدىڭ شەبەرلەرى ءوز ويىندارىمەن جينالعان قاۋىمدى ءتانتى ەتتى. ويىن قورىتىندىلانىپ، ءبىرىنشى ەكىنشى، ءۇشىنشى ورىندار تاعايىندالدى. ىرىسبەك دابەي اعامىز جەڭىمپازدارعا ءوزىنىڭ ەندى عانا جارىق كورگەن كىتابىن تابىستادى. ءبىرىنشى ورىن يەلەنگەن ويىنشىنىڭ ەسىمى كۋبوكعا جازىلاتىن بولادى، وسىلاي ءار اپتا سايىن «اسىق پاتي» جەڭىمپازى جاڭارىپ وتىرادى. بىراق ماڭىزدىسى بۇل ەمەس، وسكەلەڭ ۇرپاقتىڭ ساناسىنان ءوزىمىزدىڭ ۇلتتىق سپورت ءتۇرى اسىق وينىن وشىرمەۋ، قىزىعۋشىلىقتارىن وياتۋ، اسىق ويناۋدى قايتا جاڭعىرتۋ دەپ بىلەمىز. اسىق وينايتىن ادامنىڭ دەنساۋلىعى مىعىم بولادى، دەيدى دارىگەرلەر. ويتكەنى اسىق ويناۋ ۇلكەن فيزيكالىق قوزعالىستى تالاپ ەتەدى. سوندىقتان بالالاردىڭ وي-ءورىسىنىڭ دامۋىنا تيگىزەر پايداسى مەن ماڭىزى زور.

«اسىق پاتي» ءار اپتانىڭ سەنبى كۇنى ساعات 18-00 دە بايتەرەكتىڭ قاسىندا وتكىزىلەتىن بولادى. وتباسىلارىڭىزبەن بارىپ ۇلتتىق وينىمىزدى ويناپ، بىلمەسەڭىز ۇيرەنۋگە مۇمكىندىك بار!