الەۋمەت

نۇرەكەڭە مەن ءوز اتىمنان سىزدەردەن كومەك سۇرايمىن.

kerey.kz

 |  May 5, 2015

قۇرمەتتى دوستار! بۇدان بۇرىن، قىستىڭ كوزى قىراۋدا نۇرلان ءسادىر باۋىرىمىزدىڭ ءۇيى ورتەنگەنىن حابارلاپ، ەلدەن كومەك بەرۋىن سۇراعان ەدىك. ەستەرىڭىزدە بولسا، ءورت كورشى القاش ايەلدىڭ كەسىرىنەن بولىپ ەدى، ناتيجەسىندە نۇرلان ءسادىر 5 بالاسىمەن، ءسوزدىڭ تۋرا ماعىناسىندا دالادا قالدى. جان-جاقتان كومەك سۇراتتىق، ەسەپشوتقا تۇسكەن اقشا كولەمى شامامەن 200 000 تەڭگەدەي قۇرادى، قالا اكىمشىلىگى 90 000 تەڭگەگە ماتەريالدىق كومەك كورسەتتى. ءبىز، نۇرەكەڭنىڭ ءبىر توپ جولداستارى بۇنىمەن ءىس بىتپەيتىنىن ءتۇسىنىپ، ءوزارا مىناداي شەشىم قابىلداعان ەدىك; 1. قىستا تۇرا تۇراتىن ءۇي تابۋ، 2. جازعا دەيىن جەر ۋچاستوگىن تاۋىپ، كوپ بولىپ جۇمىلىپ ءۇي سالۋ. ول ماسەلەلەر رەتىمەن شەشىلە كەلدى. ورالدا كوپشىلىككە بەلگىلى ازامات يساتاي ۋتەپوۆتىڭ كومەگىمەن نۇرەكەڭ جانۇياسىمەن وسى كەزگە دەيىن ۋاقىتشا بولسا دا باسپانالى. جەر ۋچاستوگى دە تابىلدى. ءبارى زاڭدى بولسىن دەپ، بولاشاق ءۇيدىڭ جوبالىق قۇجاتتارىن دا ازىرلەتتىك. الايدا، الدا كۇتىپ تۇرعان ەڭ ۇلكە شارۋا – ءۇي قۇرىلىسىن جۇرگىزۋگە، وعان قۇرىلىس ماتەريالدارى ساتىپ الۋعا وتە كوپ كولەمدە قاراجات كەتەتىنى بەلگىلى. سوندىقتان، مەن ءوز اتىمنان سىزدەردەن كومەك سۇرايمىن. سىزدەردىڭ كومەكتەرىڭىزبەن بيىل قالايدا نۇرەكەڭە جاڭا ءۇي سالىپ بەرۋدى، اسارلاتىپ قولعا الماقپىن. ءبىر ايتا كەتەرلىگى، وسى ۋاقىتقا دەيىن اتقارىلعان از-ماز شارۋاعا ءبىر تيىن قارجى جۇمسالعان جوق، بارلىعى دا ورالدىق ازاماتتاردىڭ كومەگىمەن تەگىن جۇرگىزىلدى، ودان باسقا، 2 كاسىپكەرگە ءۇيدىڭ ىرگەتاسىن جانە قابىرعا ماتەريالدارىن مويىندارىنا جۇكتەپ وتىرمىن. ءۇي جوباسىن جاساعان “پروەكتسروينجينيرينگ” جشس-ءنىڭ توراعاسى س.س.كادىروۆ باسقالاي دا كومەك قولىن سوزۋعا ۋادە بەردى. مىنا ەسەپشوت; 6762 0035 1958 1994 ساۋلە ياكياەۆا، حالىق بانكى، مەنىڭ زاڭدى نەكەدەگى جولداسىم ساۋلەنىڭ اتىندا. ەگەر نۇرلان سادىرگە جانە ونىڭ وتباسىنا كومەك قولىن سوزامىن دەۋشى اعايىندار بولاتىن بولسا، سىزدەردىڭ تاراپىڭىزدان اۋدارىلعان ءار تيىننىڭ ەسەبى تۋرالى- ءار اي سايىن جانە قۇرىلىس بارىسى تۋرالى – ءار اپتا سايىن وسى فب ارقىلى قۇلاعدار ەتىپ وتىراتىن بولامىن. تومەندە، بولاشاق ءۇيدىڭ تەحنيكالىق جوباسى:

ابزال قۇسپانءنىڭ facebook پاراقشاسىنان الىندى