كوپتەن كۇتكەن «رەكەتير-2» ءفيلمنىڭ تۇساۋكەسەرى 23 مامىر كۇنى كورسەتىلەدى. ال، كوپشىلىكتىڭ نازارىنا، ياعني وتاندىق كينوتەاترلاردان اتالعان كينوكارتينانى مامىردىڭ 28-نەن باستاپ كورە الامىز.

رەجيسسەر ءفيلمنىڭ ستسەناريى جۇمباق كۇيىندە ۇستاۋدى ءجون كورىپ وتىر. بەلگىلى ءبىر جايت، كينونىڭ باستى ءرولىن ءبىرىنشى بولىمدە ويناعان سايات يسەمباەۆتىڭ ءوزى سومداماق. ەستەرىڭىزدە بولسا، ءبىرىنشى ءبولىمىنىڭ سوڭىندا باستى كەيىپكەردى قىلمىسكەرلەر پىشاقتاپ كەتكەن بولاتىن. دەگەنمەن، ءبارى ولدىگە ساناعان سايان دارىگەرلەردىڭ كومەگىمەن قايتا اياققا تۇرىپ، ءوز دۇشپاندارىمەن كۇرەستى جالعاستىراتىن بولادى.

ايتا كەتەتىن جايت، “رەكەتير-2″ ءفيلمى قىركۇيەك ايىنان باستاپ قازاقستاننىڭ بىرنەشە قالاسىندا ءتۇسىرىلدى. اتاپ ايتقاندا، الماتى، قاراعاندى، استانا جانە شىمكەنت.

ءفيلمنىڭ باستى رولدەرىن ساياتپەن بىرگە، جاننا باجانباەۆا، اسەل ساعاتوۆا سىندى تانىمال اكتريسالار سومدايدى. سونىمەن قاتار، بۇل فيلمگە وتاندىق اكتەرلار: ارۋجان جازىلبەكوۆا (“وگرابلەنيە پو-كازاحسكي”), ماكسيم اكباروۆ (“سكاز و روزوۆوم زايتسە”), ازامات ساتىبالدى (“كوكتەيل دليا زۆەزدى”), ايان وتەپبەرگەن (“ججاۋجۇرەك مىڭ بالا”), داستەن شاكىروۆ جانە فارحاد ءابدىرايىموۆتار تۇسپەك.

baq.kz