“يسلام مەملەكەتى” راديكال لاڭكەستەر توبىنىڭ سودىرلارى يراكتا 503 ادامدى ءولتىردى، – دەپ حابارلايدى ريا نوۆوستي Erem News اقپارات پورتالىنا سىلتەمە جاساپ.

“يسلام مەملەكەتى” سودىرلارى جۇما كۇنى رامادي قالاسىنىڭ ۇلكەن ءارى ماڭىزدى بولىگىن باسىپ الىپ، 503 ادامدى ءولتىردى. قازا بولعانداردىڭ جارتىسى – ايەلدەر مەن بالالار”، – دەدى پروۆينتسيا باسشىسىنىڭ ورىنباسارى ءال-انبار فالەح ءال-يساۆي. ول ارميا، پوليتسيا جانە حالىق جاساقتارى قاتىساتىن ءىرى اسكەري وپەراتسيانىڭ باستالعانىن دا مالىمدەدى.

بۇگىنگە دەيىن وداقتاس قارۋلى كۇشتەردىڭ الدىنداعى ماقسات – قالا ورتالىعىنداعى ۇكىمەتتىك عيماراتتار كەشەنىن قايتارىپ الۋ. جەرگىلىكتى بيلىك وكىلىنىڭ ايتۋىنشا، قۇرلىق اسكەرلەرىن يراك جاياۋ اسكەرىنە لاڭكەستەرگە سوققى جاساۋ ارقىلى جول اشىپ بەرگەن حالىقارالىق كواليتسيانىڭ ۇشاقتارى قولدادى.

ورتالىق بارلاۋ باسقارماسىنىڭ مالىمەتىنشە قۇرامىندا 30 مىڭعا جۋىق سودىرى بار “يسلام مەملەكەتى” باسىپ الىنعان يراك پەن سيريا تەرريتورياسىندا “حاليفات” جاريالاپ، شەكاراسىن كەڭەيتۋگە تىرىسىپ جاتىر. “يسلام مەملەكەتى” ۇيىمىمەن ۇرىسقا تۇسەتىن بىرىڭعاي مايدان جوق: بۇل توپپەن سيريا مەن يراكتىڭ ۇكىمەت اسكەرى، اقش باستاپ وتىرعان حالىقارالىق كواليتسيا (ازىرشە تەك اۋەدەن سوققى جاساۋمەن شەكتەلىپ وتىر), سونىمەن قاتار، يراك جانە سيريا كۇردتەرى. قارۋلى قاقتىعىستاردىڭ سالدارىنان بىرنەشە مىڭ بەيبىت تۇرعىن قىرىلدى، جۇزدەگەن مىڭى بوسقىن بولىپ، تاعى بىرنەشە مىڭى اتالعان سودىرلار توبىنىڭ كەپىلدىگىندە قالىپ وتىر.

tengrinews.kz