“Islam memleketi” radikal lañkester tobınıñ sodırları Irakta 503 adamdı öltirdi, – dep habarlaydı RIA Novosti Erem News aqparat portalına silteme jasap.

“Islam memleketi” sodırları jwma küni Ramadi qalasınıñ ülken äri mañızdı böligin basıp alıp, 503 adamdı öltirdi. Qaza bolğandardıñ jartısı – äyelder men balalar”, – dedi provinciya basşısınıñ orınbasarı Äl-Anbar Faleh Äl-Isavi. Ol armiya, policiya jäne halıq jasaqtarı qatısatın iri äskeri operaciyanıñ bastalğanın da mälimdedi.

Büginge deyin odaqtas qarulı küşterdiñ aldındağı maqsat – qala ortalığındağı ükimettik ğimarattar keşenin qaytarıp alu. Jergilikti bilik ökiliniñ aytuınşa, qwrlıq äskerlerin Irak jayau äskerine lañkesterge soqqı jasau arqılı jol aşıp bergen halıqaralıq koaliciyanıñ wşaqtarı qoldadı.

Ortalıq barlau basqarmasınıñ mälimetinşe qwramında 30 mıñğa juıq sodırı bar “Islam memleketi” basıp alınğan Irak pen Siriya territoriyasında “halifat” jariyalap, şekarasın keñeytuge tırısıp jatır. “Islam memleketi” wyımımen wrısqa tüsetin birıñğay maydan joq: bwl toppen Siriya men Iraktıñ ükimet äskeri, AQŞ bastap otırğan halıqaralıq koaliciya (äzirşe tek äueden soqqı jasaumen şektelip otır), sonımen qatar, Irak jäne Siriya kürdteri. Qarulı qaqtığıstardıñ saldarınan birneşe mıñ beybit twrğın qırıldı, jüzdegen mıñı bosqın bolıp, tağı birneşe mıñı atalğan sodırlar tobınıñ kepildiginde qalıp otır.

tengrinews.kz