مكك توراعاسى د.ەرعوجين الماتى مەيرامحانالارىنىڭ «قارا ءتىزىمىن» جاريالادى
kerey.kz
قازاقپارات – الەۋمەتتىك جەلىلەردە الماتىنىڭ كوڭىل كوتەرۋ ورىندارىنىڭ «قارا ءتىزىمى» جاريالاندى. Facebook-تەگى جالپىعا قول جەتىمدى «كولەڭكەلى ەكونوميكامەن كۇرەس» توبىندا قر قارجى مينيسترلىگىنىڭ مەملەكەتتىك كىرىس كوميتەتىنىڭ توراعاسى داۋلەت ەرعوجين بار مەن مەيرامحانالاردىڭ ءتىزىمىن جاريالادى.
د.ەرعوجين سالىقتى تولەۋ بويىنشا ۇزدىكتەر دەپ، بيۋدجەتكە 10 ميلليون تەڭگەدەن استام قاراجات تۇسىرگەن LT Grill, Vista ارمان، يزيۋم، كەرۋەن، Grand Sapphire, Royal Cafe, HAN, Ballroom, Hello, Holiday Inn Almaty, Vertalيوt, Baritone, Villa dei Fiori, Peppoli Antinori, Line Brew, GUINNESS PUB, Belagio-نى اتادى.
2014 جىلى ءبىر ميلليون تەڭگەدەن ازداۋ سالىق تولەپ، «الەۋمەتتىك جاۋاپتى» توپتىڭ قاتارىنا ادميرال، چەشسكي دۆور، گاككۋ، Hemigwey, Primavera, Tirol, Toni Gard Cafe, Metropol, Cashgar, Turandot, Del Toro, ۆەرسال، ماراكەش، ارۋ-انا، باتىر، Grand Opera كىردى.
«جاقىن ارادا بورىشكەر جەكە تۇلعالاردىڭ ءتىزىمىن جاريالايمىن. «الەۋمەتتىك جاۋاپتى» ازامات بولعانشا، مەملەكەت الدىنداعى قارىزدى وتەۋگە كەڭەس بەرەمىن»، – دەپ جاريالادى د.ەرعوجين كەلەسى پوستتا.
«فيزيكالىق تۇلعالاردىڭ سالىعى – جەرگىلىكتى سالىق. جەرگىلىكتى اتقارۋشى ورگانداردىڭ بيۋدجەتىنە ءتۇسىپ، ولار بالالار ءۇيىنىڭ، مەكتەپ، اۋرۋحانا، جول جانە ت.ب قۇرىلىسىنا باعىتتالادى. وسىلايشا قوعام ءۇشىن جاعداي جاسالادى. سالىقتى تولەۋدەن جالتاراتىندار، قوعامنىڭ جاعدايىن جاقسارتۋعا كەدەرگى كەلتىرەدى دەۋگە بولادى»، – دەپ ەسكە سالدى مەملەكەتتىك كىرىس كوميتەتىنىڭ توراعاسى.
پىكىر قالدىرۋ