MKK törağası D.Erğojin Almatı meyramhanalarınıñ «qara tizimin» jariyaladı
kerey.kz
QazAqparat – Äleumettik jelilerde Almatınıñ köñil köteru orındarınıñ «qara tizimi» jariyalandı. Facebook-tegi jalpığa qol jetimdi «Köleñkeli ekonomikamen küres» tobında QR Qarjı ministrliginiñ Memlekettik kiris komitetiniñ törağası Däulet Erğojin bar men meyramhanalardıñ tizimin jariyaladı.
D.Erğojin salıqtı töleu boyınşa üzdikter dep, byudjetke 10 million teñgeden astam qarajat tüsirgen LT Grill, Vista Arman, Izyum, Keruen, Grand Sapphire, Royal Cafe, HAN, Ballroom, Hello, Holiday Inn Almaty, Vertalet, Baritone, Villa dei Fiori, Peppoli Antinori, Line Brew, GUINNESS PUB, Belagio-nı atadı.
2014 jılı bir million teñgeden azdau salıq tölep, «äleumettik jauaptı» toptıñ qatarına Admiral, Çeşskiy dvor, Gäkku, Hemigwey, Primavera, Tirol, Toni Gard Cafe, Metropol, Cashgar, Turandot, Del Toro, Versal', MaraKeş, Aru-Ana, Batır, Grand Opera kirdi.
«Jaqın arada borışker jeke twlğalardıñ tizimin jariyalaymın. «Äleumettik jauaptı» azamat bolğanşa, memleket aldındağı qarızdı öteuge keñes beremin», – dep jariyaladı D.Erğojin kelesi postta.
«Fizikalıq twlğalardıñ salığı – jergilikti salıq. Jergilikti atqaruşı organdardıñ byudjetine tüsip, olar balalar üyiniñ, mektep, auruhana, jol jäne t.b qwrılısına bağıttaladı. Osılayşa qoğam üşin jağday jasaladı. Salıqtı töleuden jaltaratındar, qoğamnıñ jağdayın jaqsartuğa kedergi keltiredi deuge boladı», – dep eske saldı Memlekettik kiris komitetiniñ törağası.
Pikir qaldıru