“قازاقستان ارۋى-2013″ بايقاۋىنىڭ جەڭىمپازى ايداي يساەۆا gonzo.kzتىلشىسىنە بەرگەن سۇحباتىندا ەلدە تاراعان سىبىستارعا بولا اقتالىپ وتىرمايتىنىن جەتكىزدى.

“قازاقستان ارۋى” بايقاۋىندا اقشا بەرىپ، جەڭىمپاز اتانۋعا بولادى دەگەن سىبىسقا قاتىستى ارۋدىڭ ءوز ايتارى بار ەكەن.

“سىبىس تاراپ جۇرگەنىن بىلەمىن. اقتالىپ وتىراتىن جايىم جوق. بۇل مەنىڭ  سۇلۋلىق بايقاۋلارىنا 10-شى رەت  قاتىسۋىم.  ستۋدەنتپىن جانە بولاشاق دارىگەر رەتىندە ارىم تازا ەكەنىن ايتقىم كەلەدى. ءتىل تيگىزەتىدەرگە مەن دە سۇراق قويعىم كەلەدى. سىزدەر بايقاۋدا تورەشى بولعان سول كەزدەگى قازاقفيلم باسشىسى ەرمەك امانشاەۆ، ديزاينەر قۇرالاي نۇرقادىلوۆا، ماكسيم اكباروۆ، تيمۋر كۋۆاتوۆ، الەكساندر ورلوۆ، ايگۇل  مۇكەي، سوۆەت سەيىتوۆ، قارلىعاش مۇحامەدجانوۆا، نۇرلان ءالىمجانوۆ جانە تەلەجۇرگىزۋشى سەرىك اقىشەۆ پەن الەنا ريۆلينا تۋرالى نە ويلايسىزدار؟ ولار مەنى اقشاعا بولا تاڭدادى ما؟ مۇنداي سىيلى تورەشىلەر ساتىلادى دەپ ويلامايمىن! ولار ەلىمىزدىڭ پاتريوتتارى. ولار ءۇشىن حالىقارالىق سۇلۋلىق بايقاۋىندا قازاقستاننان لايىقتى ۇمىتكەر ۇسىنۋ اقشادان ماڭىزدىراق. بۇل تورەشىلەر اقشاعا ءزارۋ دەپ ويلاسىزدار ما؟”، – دەپ سىبىس تاراتۋشىلارعا سۇراقتارىن جاۋدىردى يساەۆا.

قازاقستان ارۋى سۇحبات بارىسىندا بولاشاققا جوسپارىمەن ءبولىستى.

“الداعى ۋاقىتتا كەم دەگەندە 4 بالانىڭ اناسى اتانعىم كەلەدى. كاسىپكەرلىك ورتادا ءوز بيزنەسىمدى اشۋدى دا ويلاپ ءجۇرمىن”، – دەپ اعىنان جارىلدى ارۋ.

ەسكە سالساق، “الەم ارۋى-2014″ بايقاۋىنىڭ قاتىسۋشىسى ايداي يساەۆا جاقىندا ماقسات ەسىمدى جىگىتكە تۇرمىسقا شىققان بولاتىن.

nur.kz