7 ارنا ءتىلشىسى مايا بەكباەۆانىڭ “مويا يستوريا” باعدارلاماسىندا نۇرلان ءالىمجانوۆ جۇبايى جانسايامەن ايىرىلىسۋى وعان وڭايعا تيمەگەنىن ايتتى.

ءوزىنىڭ بالالىق شاعى مەن ونەر جولى تۋرالى اڭگىمە باستاعان ءالىمجانوۆ باعدارلاما سوڭىندا جەكە ومىرىندەگى قيىندىقتار جايلى ايتىپ، اعىنان جارىلدى.

“جۇبايىم جانسايامەن 2006 جىلى تانىستىق. سول جىلى وتباسى قۇردىق. بۇل العاش كورگەن ساتتەن تۋىنداعان ماحاببات بولاتىن. مەن ءۇش كۇن دوستىعىمىزدان كەيىن ۇسىنىس جاسادىم. ءبىزدىڭ ورتاق 3 بالامىز بار. ەكى ۇل بالا مەن ءبىر قىز بالا. ۇلكەنىنىڭ ەسىمى عابدۋللا. ول 8 جاستا. ورتانشىسى – نۇرمۇحاممەد. ول 7 جاستا. جانە كىشى قىزىم توميريس 5 جاسقا كەلدى”، – دەدى ءارتىس تىلشىگە.

ءالىمجانوۆ جارىمەن جولى ەكى بولەك كەتكەنىن دە راستادى.

ء“يا. بۇل راس. مەن شىنىمەن ومىرىمدەگى قيىن كەزەڭدى باستان وتكەرۋدەمىن. جانۇياڭدا بالالار بولسا ەكى ەسە اۋىر بولادى ەكەن. قازاقتار مۇندايدى ء“دام-تۇزىمىز جاراسپادى” دەپ ءتۇسىنىدىرىپ جاتادى. ول وتە جاقسى جان. جانسايا تۋرالى جامان سوزدەر ايتۋدان اۋلاقپىن. نەكەگە دەيىن عاشىقتار اراسىن ماحاببات پەن قۇشتارلىق بايلانىستىرادى. ال وتباسىلى بولعاندا بارلىعىن تۇرمىس شەشەدى. تۇسىنىسپەۋشىلىكتەردى ادامگەرشىلىك، شىدامدىلىق پەن اقىل شەشەدى. ال بۇلار بولماعان جاعدايدا قارىم-قاتىناسقا سىزات تۇسەدى. مەن ءوزىمدى ءمىنسىز جان سانامايمىن. بىراق ءوز بالالارىما اكەلىك پارىزىمدى وتەپ، قاشاندا قاستارىنان تابىلۋعا تىرىسامىن. مەن ولاردى قاتتى جاقسى كورەمىن”, – دەدى ءسوز سوڭىندا ءانشى.

تانىمال ءارتىس ءارى ءانشى نۇرلان ءالىمجانوۆ “نەبو موەگو دەتستۆا”، “پۋت ليدەرا”، “رازرىۆايا زامكنۋتىي كرۋگ” فيلمدەرىمەن تالايدىڭ نازارىنا ىلىككەن بولاتىن.

Nur.kz