7 arna tilşisi Mayya Bekbaevanıñ “Moya istoriya” bağdarlamasında Nwrlan Älimjanov jwbayı Jansayamen ayırılısuı oğan oñayğa timegenin ayttı.

Öziniñ balalıq şağı men öner jolı turalı äñgime bastağan Älimjanov bağdarlama soñında jeke ömirindegi qiındıqtar jaylı aytıp, ağınan jarıldı.

“Jwbayım Jansayamen 2006 jılı tanıstıq. Sol jılı otbası qwrdıq. Bwl alğaş körgen sätten tuındağan mahabbat bolatın. Men üş kün dostığımızdan keyin wsınıs jasadım. Bizdiñ ortaq 3 balamız bar. Eki wl bala men bir qız bala. Ülkeniniñ esimi Ğabdulla. Ol 8 jasta. Ortanşısı – Nwrmwhammed. Ol 7 jasta. Jäne kişi qızım Tomiris 5 jasqa keldi”, – dedi ärtis tilşige.

Älimjanov jarımen jolı eki bölek ketkenin de rastadı.

“Iä. Bwl ras. Men şınımen ömirimdegi qiın kezeñdi bastan ötkerudemin. Janwyañda balalar bolsa eki ese auır boladı eken. Qazaqtar mwndaydı “däm-twzımız jaraspadı” dep tüsinidirip jatadı. Ol öte jaqsı jan. Jansaya turalı jaman sözder aytudan aulaqpın. Nekege deyin ğaşıqtar arasın mahabbat pen qwştarlıq baylanıstıradı. Al otbasılı bolğanda barlığın twrmıs şeşedi. Tüsinispeuşilikterdi adamgerşilik, şıdamdılıq pen aqıl şeşedi. Al bwlar bolmağan jağdayda qarım-qatınasqa sızat tüsedi. Men özimdi minsiz jan sanamaymın. Biraq öz balalarıma äkelik parızımdı ötep, qaşanda qastarınan tabıluğa tırısamın. Men olardı qattı jaqsı köremin”, – dedi söz soñında änşi.

Tanımal ärtis äri änşi Nwrlan Älimjanov “Nebo moego detstva”, “Put' lidera”, “Razrıvaya zamknutıy krug” fil'mderimen talaydıñ nazarına ilikken bolatın.

Nur.kz