بۋراباي قالاسىندا ءوتiپ جاتقان تمد ۇكiمەت باسشىلارىنىڭ كەڭەسiندە قر پرەزيدەنتى نۇرسۇلتان نازارباەۆ ءوزiنiڭ سايلاۋالدى تۇعىرناماسىندا ايتىلعان بەس ينستيتۋتسيونالدىق رەفورماعا توقتالىپ، ونىڭ اياسىندا پارلامەنت پەن ۇكiمەتكە بەرىلەتىن بيلiكتiڭ ۇلەسىن ارتتىرۋ كەرەك ەكەنiن مالiمدەدi.

 «بەس ينستيتۋتسيونالدىق رەفورمانىڭ  بەسiنشiسiن –  قوعامدى دەمكوراتيزاتسيالاۋ دەپ اتاۋعا بولار ەدi, بiراق، بۇل ءسوز ماعان   ۇنامايدى. بiز ەندi ارقايسىسىمىزدىڭ ءوز دەموكراتيزاتسيامىز بار ەكەنiن تۇسiنەمiز. دەموكراتيزاتسيالاۋ بويىنشا ادام كورگiسi كەلمەيتiن iستەر جاسالۋى مۇمكiن. ال بiزدiڭ دەموكراتيامىز مەملەكەتتi حالىقتىڭ الدىندا ەسەپ بەرەتiندەي ەتۋ دەگەندi بiلدiرەدi. بiزدiڭ iستەرiمiز اشىق بولۋى كەرەك. ەگەر بۇل مەملەكەتتiك قۇپيا بولماسا، وندا ۇكiمەتتiڭ شەشiمدەرi مەن اقپاراتتار ازاماتتار ءۇشiن قولجەتiمدi بولۋى كەرەك»، – دەدى پرەزيدەنت.

P.S. كونستيتۋتسيا بويىنشا قر پرەزيدەنتى ءوز بيلىگىن ۇكىمەتپەن جانە پارلامەنتپەن بولىسە الا ما؟ اتازاڭىمىزعا جۇگىنەيىك:

قازاقستان رەسپۋبليكاسى – پرەزيدەنتتiك باسقارۋ نىسانىنداعى بiرتۇتاس مەملەكەت.

قازاقستان رەسپۋبليكاسىندا بيلiكتi ەشكiم دە يەمدەنiپ كەتە المايدى. بيلiكتi يەمدەنiپ كەتۋشiلiك زاڭ بويىنشا قۋدالانادى.

حالىق پەن مەملەكەت اتىنان بيلiك جۇرگiزۋگە رەسپۋبليكا پرەزيدەنتiنiڭ، سونداي-اق ءوزiنiڭ كونستيتۋتسيالىق وكiلەتتiگi شەگiندە پارلامەنتتiڭ قۇقىعى بار. رەسپۋبليكا ۇكiمەتi مەن وزگە دە مەملەكەتتiك ورگاندار مەملەكەت اتىنان ولارعا بەرiلگەن وكiلەتتiكتەرi شەگiندە عانا بيلiك جۇرگiزەدi.

III ءبولىم

پرەزيدەنت

40-باپ

قازاقستان رەسپۋبليكاسىنىڭ پرەزيدەنتi – مەملەكەتتiڭ باسشىسى، مەملەكەتتiڭ iشكi جانە سىرتقى ساياساتىنىڭ نەگiزگi باعىتتارىن ايقىندايتىن، ەل iشiندە جانە حالىقارالىق قاتىناستاردا قازاقستاننىڭ اتىنان وكiلدiك ەتەتiن ەڭ جوعارى لاۋازىمدى تۇلعا.

رەسپۋبليكانىڭ پرەزيدەنتi – حالىق پەن مەملەكەتتiك بيلiك بiرلiگiنiڭ، كونستيتۋتسيانىڭ مىزعىماستىعىنىڭ، ادام جانە ازامات قۇقىقتارى مەن بوستاندىقتارىنىڭ نىشانى ءارi كەپiلi.

رەسپۋبليكا پرەزيدەنتi مەملەكەتتiك بيلiكتiڭ بارلىق تارماعىنىڭ كەلiسiپ جۇمىس iستەۋiن جانە وكiمەت ورگاندارىنىڭ حالىق الدىنداعى جاۋاپكەرشiلiگiن قامتاماسىز ەتەدi.

 Abai.kz